Ички ишлар вазирлиги «Таълим муассасаларида йўл ҳаракати қоидалари тарғиботини кучайтириш чора-тадбирлари тўғрисида»ги Вазирлар Маҳкамаси қарори лойиҳасини муҳокамага қўйди.
Қарор билан ИИВ ДЙҲХХнинг амалдаги штат бирликлари доирасида Йўл ҳаракати хавфсизлиги бош бошқармаси ва ҳудудий бошқармаларида 1 нафардан олий педагогик маълумотга эга, таълим муассасалари билан ҳамкорликда хизмат олиб борувчи алоҳида катта инспектор лавозимини жорий этиш тўғрисидаги таклифига розилик берилиши мумкин.
Таълим муассасаларида хизмат қилувчи катта инспектор:
- таълим муассасаларида ёшлар ўртасида тарғибот-ташвиқот ишларини олиб боради, викторина ва мусобақаларни ташкил этади, тадбирларнинг оммавий ахборот воситаларида ёритилишини таъминлайди, мактабларда йўл ҳаракати қоидаларини ўргатиш бўйича яратилган шароитларни ўрганади, мониторинг қилади ва баҳолайди, аниқланган камчиликлар юзасидан юқори турувчи ташкилотларга тақдимномалар, ахборотномалар киритади;
- таълим муассасаларида мазкур қарор доирасида амалга оширилаётган ишларни назорат қилади;
- ҳар ҳафтада Ички ишлар вазирлиги Йўл ҳаракати ҳавфсизлиги бош бошқармасига амалга оширилган ишлар юзасидан ҳисобот беради.
Шунингдек, Транспорт вазирлигига Ички ишлар вазирлиги ва маҳаллий ижро этувчи органлар билан биргаликда 2021–2023 йилларда босқичма-босқич барча мактабгача таълим муассасалари ва умумтаълим мактаблари олдига ҳамда ёндош йўлларига тезлик меъёрини кескин камайтирган ҳолда, 30 км/соатда ҳаракатланишни билдирувчи йўл белгилари ва сунъий нотексликлар ўрнатиб, тўлиқ жиҳозлаш вазифаси юкланади.
Ички ишлар вазирлиги эса Халқ таълими вазирлиги билан ҳамкорликда Давлат йўл ҳаракати хавфсизлиги хизмати ходимларини барча умумтаълим мактабларига бириктиради ва улар томонидан ўқувчиларнинг йўл ҳаракати қоидалари борасида саводхонлигини ошириш бўйича «синф соатлари»да йўл ҳаракати ҳавфсизлиги учун белгиланган мавзулар доирасида билимлар бериб борилишини таъминлайди.
Аввалроқ Тошкентда 2021 йил бошидан буён ЙТҲларда неча киши ҳалок бўлгани маълум қилинганди.
Изоҳ (0)