Жанубий Корея КХДР ҳарбийларининг қишки ҳарбий ўқув машғулотларини диққат билан кузатиб бормоқда. Бу ҳақда «Рёнхап» агентлигига таяниб, «Интерфакс» хабар берди.
«Шимолий Корея ҳарбийлари айни вақтда қишки ўқув машғулотларини ўтказяпти, деб ҳисоблаймиз», — дейди Жанубий Корея Бирлашган штаб бошлиқлари қўмитаси вакили Ким Чжун Нак.
«Биз Жанубий Корея ва АҚШнинг разведка органлари билан яқин ҳамкорликни сақлаган ҳолда тегишли ҳаракатларни диққат билан кузатиб боряпмиз», — дея қўшимча қилади у.
Таъкидланишича, Пхеньян анъанавий равишда ҳарбий тайёргарликларни декабрь ойида бошлайди ва у баҳор бошига қадар давом этади.
Аввалроқ АҚШ КХДР томонидан баллистик ракеталарнинг ишлаб чиқарилиши минтақадаги вазиятни беқарорлаштиришини маълум қилгани, Жанубий Корея Ким Чен Иннинг Кореялараро уруш тугагани ҳақидаги декларацияни тилга олишини юқори баҳолагани, АҚШ КХДРга нисбатан душманлик нияти йўқлигини маълум қилгани, Шимолий Корея сувости кемаси учун мўлжалланган баллистик ракетани синаган бўлиши мумкинлиги ҳақида хабар берилганди.
Изоҳ (0)