Коронавируснинг янги «омикрон» штамми касалликнинг оғир шаклини келтириб чиқармаслиги тўғрисидаги фикрлар «бемаъни», шу сабабли «қўлни қовуштириб ўтириш» керак эмас. Бу ҳақда Жаҳон соғлиқни сақлаш ташкилотининг бош илмий ходими Сумья Сваминатанга таяниб, «Korrespondent.net» хабар берди.
« ‘Омикрон’ штамми коронавируснинг енгил варианти ҳисобланмайди ва у касалликнинг оғир кечадиган шаклини келтириб чиқаради, шу сабабли ҳеч нарса қилмай ўтириш, аҳмоқлик», — дейди Сваминатан.
Унинг сўзларига кўра, «кўплаб давлатларда амалга оширилаётган» бустер вакцинация дастури биринчи навбатда иммун тизими кучсиз инсонларга қаратилиши керак.
Шу билан бирга, Сваминатаннинг таъкидлашича, ЖССТ барча вакциналар «омикрон» штаммига қарши бутунлай самарасиз бўлишига ишонмайди.
Аввалроқ Германия «омикрон» штамми туфайли британияликларнинг мамлакатга киришини чеклаган эди. Авиакомпанияларга 20 декабрь, ярим тундан бошлаб Британиядан Германияга сайёҳларни ташиш тақиқланади. Жаҳон соғлиқни сақлаш ташкилоти бош директори Тедрос Гебрейесуснинг маълум қилишича, «омикрон» варианти олдинги штаммлардан кўра тез тарқалмоқда ва ҳозирда у дунёнинг 77 мамлакатида қайд этилган.
Мавзуга доир:
Изоҳ (0)