Покистон пойтахти Исломобод шаҳрида 18 декабрь куни Ислом ҳамкорлик ташкилоти Ташқи ишлар вазирлари кенгашининг навбатдан ташқари йиғилишида иштирок этаётган Ўзбекистон делегацияси Афғонистон ташқи ишлар вазири вазифасини бажарувчи Амир Хон Муттаки билан музокаралар ўтказди, деб хабар бермоқда «Дунё» ахборот агентлиги.
ТИВ хабарига кўра, суҳбат чоғида икки томонлама муносабатларнинг бугунги ҳолати, уларни ривожлантириш истиқболлари, хусусан, савдо-иқтисодий ҳамкорлик соҳасидаги масалалар муҳокама қилинди.
Афғонистон томони Ўзбекистон президентига мамлакатнинг ижтимоий-иқтисодий инфратузилмасини тиклаш, шунингдек, Афғонистон ҳудудида транспорт ва энергетика соҳаларида йирик инфратузилма лойиҳаларини амалга оширишда кўрсатилаётган ёрдам учун самимий миннатдорлик билдирди.
Мавзуга доир: Ўзбекистон ва Афғонистон 10 йил давомида электр энергияси етказиб бериш бўйича битим имзолади
Шунингдек, Афғонистон томони мамлакатдаги аёллар ва миллий озчиликлар ҳуқуқларига риоя қилиш бўйича илгари берган халқаро ваъда ва мажбуриятларини бажариши зарурлигини қайд этилди.
Бундан аввал Тошкентда Афғонистон муваққат ҳукумати билан трансафғон темир йўли қурилиши лойиҳаси муҳокама қилингани ҳақида хабар берилган эди.
Изоҳ (0)