Наманган вилоятининг Янгиқўрғон туманида қиморхона ташкил этган шахсга жиноят иши қўзғатилди. Бу ҳақда вилоят ИИБ матбуот хизмати хабар берди.
Маълум қилинишича, 7 декабрь куни соат 19:00 ларда, туман ИИБ ходимлари 1964 йилда туғилган фуқаро яшаш уйида 3 нафар маҳалладошига ўртага пул тикиб, қимор ўйнашлари учун шароит яратиб бергани ва ўзи ҳам улар билан бирга қимор ўйнаб, қиморхона ташкил этгани аниқланган.
Ушбу ҳолат бўйича Янгиқўрғон туман ИИБ ҳузуридаги ТБ томонидан 13 декабрь куни Жиноят кодексининг 278-моддаси (қимор ва таваккалчиликка асосланган бошқа ўйинларни ташкил этиш ҳамда ўтказиш) 1-қисми билан жиноят иши қўзғатилган.
Бундан аввал Самарқандда ижара уйини қиморхонага айлантирган 25 ёшли йигит, Фарғонада ўз уйида қиморхона ташкил этган фуқаро қўлга олиниб, жиноят иши қўзъатилгани ҳақида хабар берилган эди. Шунингдек, Самарқандда яширин казино ташкил этилгани аниқланиб, бир гуруҳ кишилар ушланганди.
Изоҳ (0)