Президент Шавкат Мирзиёев бошчилигида ўтказилаётган видеоселектор йиғилишида хизматлар соҳасини ривожлантириш учун ҳар бир туман ва шаҳар кесимида ишлаб чиқиладиган алоҳида дастурга кўра вилоят ҳокимлари йўл бўйи сервис объектларини жойлаштириш лойиҳаларини фақат ва фақат бош вазир ҳузурида тақдим этиши маълум қилинди.
Ушбу лойиҳаларга келгуси йилда 200 миллиард сўм ажратилиши қайд этилди. «Умуман, келгуси йилда йўл бўйларида камида 3 мингта лойиҳани тўлиқ ишга тушириш шарт», – дея таъкидлади президент.
Шунингдек, магистрал йўл бўйи ва чегара олди ҳудудларида логистика хизматларини кенг йўлга қўйиш учун катта имкониятлар мавжудлиги, Ғиждувонда 34 гектар майдонда Қорақалпоғистон, Хоразм, Бухоро, Навоий ва Қашқадарёни боғловчи вилоятлараро улгуржи савдо марказини қуриб, 5 минг аҳоли бандлигини таъминлаш мумкинлиги билдирилди.
Шавкат Мирзиёев ўз сайловолди дастурида тилга олган мавзу — Тошкент шаҳрига кунига 130 минг тонна юк катта ҳажмли машиналарда кириб чиқиши туфайли пойтахтда тирбандлик, йўллар сифати ва ҳавонинг тозалигига ҳам салбий таъсир кўрсатиши масаласига тўхталиб ўтди.
Давлат раҳбари Ўрта Чирчиқ, Юқори Чирчиқ, Қуйи Чирчиқ ва Тошкент туманларида юк тақсимловчи йирик улгуржи савдо логистика марказларини қуриш орқали бу масалани ҳал қилиш мумкинлигини такрорлади.
Вилоят ҳокимларига халқаро йўллар кесишмаларида йирик савдо ва логистика марказларини ташкил этиш лойиҳаларини бошлаши бўйича топшириқ берилди. Шунингдек, Тошкент туманидаги «Ғишткўприк» божхона постини кенгайтириш, 11 километр йўл бўйини замонавий қиёфага келтириш, 400 гектар майдонда савдо ва логистика марказини ташкил этиш ҳисобига кунига 5 мингта юк транспорти, 35 минг кишига хизмат қиладиган инфратузилма яратиш мумкинлиги айтилди.
Масъуллар бир ой муддатда барча қўшни давлатлар билан чегара ўтказиш пунктлари ва уларга борадиган йўлларни ўрганиб, сервис инфратузилмасини тубдан яхшилаш бўйича аниқ чора-тадбирларни белгилаб, ҳар ўн беш кунда муҳокама қилиб бориши белгиланди. 158 та қишлоқ туманларида хизмат кўрсатиш соҳасида 300 минг иш ўрни яратилиши, бош вазир ҳар бир туман бўйича хизматлар ривожлантириш ва янги иш ўринлари яратиш дастурини тасдиқлаши белгиланди.
Мавзуга доир:
- Шавкат Мирзиёев 2022 йилда 21 та қишлоқ туманида 10 минг оила учун «Янги Ўзбекистон» массивлари, мактаб, боғча ва тиббиёт масканлари қурилишини маълум қилди
- «Туристик салоҳияти юқори туманларни ривожлантириш учун дастлабки босқичда 200 миллиард сўм ажратилади» – Шавкат Мирзиёев
- Шавкат Мирзиёев: «Масъуллар масала ичига кириб, маҳаллабай ишламагани оқибатида аҳолига хизмат кўрсатиш даражаси пастлигича қолмоқда»
Изоҳ (0)