Жанубий Африка (ЖАР) президенти Сирил Рамафосанинг коронавирусга топширган тести мусбат чиқди, деб хабар беради «Коммерсантъ». У коронавирусга қарши эмланган эди. ЖАРда ҳозирда COVID-19 нинг янги «омикрон» штамми кенг тарқалган.
«Президент Сирил Рамафоса коронавирус инфекциясига топширган тест натижаси ижобий чиққач, COVID-19 нинг енгил белгиларига қарши даволаш курсларидан ўтмоқда», — дейилади конселярия хабарида. Таъкидланишича, президент Кейптаундаги тадбирдан сўнг, ўзини ёмон ҳис қилишни бошлаган. Қайд этилишича, ҳозирда унинг «кайфияти яхши». Рамафоса шикофорлар назорати остида қолмоқда.
Жанубий Африка президенти Кейптаунда ўзини яккалаш режимига ўтган. Унинг вазифасини ҳозирда вице-президент Дэвид Мабуза бажармоқда.
Эслатиб ўтамиз, коронавируснинг янги «омикрон» штамми биринчи марта 11 ноябрь куни Жанубий Африкада топилган. Британиялик олимларнинг таъкидлашича, янги штамм тарқалиш тезлиги туфайли аввалгиларига, жумладан, дельтага қараганда хавфлироқ бўлиши мумкин. Жаҳон соғлиқни сақлаш ташкилоти мавжуд вакциналар ушбу штаммга қарши самарасиз бўлиши мумкин, деган шубҳалар туфайли «омикрон»ни хавфли деб тан олди. Ташкилот, шунингдек, илгари коронавирусни бошдан ўтказганларда «омикрон» билан қайта касалланиш эҳтимоли юқорилигини маълум қилди.
Мавзуга доир:
Изоҳ (0)