Қонунчилик палатасининг 10 декабрь куни бўлиб ўтган мажлисида «Ўзбекистон Республикаси Фуқаролик кодексининг 565-моддасига ўзгартиш ва қўшимча киритиш тўғрисида»ги қонун лойиҳаси депутатлар томонидан биринчи ўқишда кўриб чиқилди. Бу ҳақда палата ахборот хизмати хабар қилди.
Маълум қилинишича, амалдаги қонунчилик автомототранспорт воситаларини ижарага бериш шартномалари нотариал тасдиқлашни талаб этади. Бу ўз навбатида, аҳоли ва тадбиркорлик субъектларининг ортиқча оворагарчилигини келтириб чиқаради.
Қайд этилишича, мазкур қонун лойиҳаси билан автомототранспорт воситалари электрон савдо платформаси орқали ижарага берилганда шартномани нотариал тартибда тасдиқлаш талаби бекор қилинади. Бу каби шартномалар оддий ёзма шаклда тузилиши мумкин бўлади.
Қонун лойиҳаси депутатлар томонидан қабул қилинган.
Эслатиб ўтамиз, 2018 йилда Фуқаролик кодексига киритилган ўзгартиришга мувофиқ автомототранспорт воситаларини 30 кунгача бўлган муддатга ижарага бериш шартномаларини нотариал тасдиқлаш шарт эмас.
Аввалроқ Ҳукумат қарори билан Енгил автомобиллар ва мототранспорт воситаларини қисқа муддатли ижарага бериш тартиби тўғрисидаги низомга ўзгартириш ва қўшимчалар киритилганди. Унга кўра, энди юридик шахслар ҳам автомобилларни қисқа муддатга ижарага олиши мумкин бўлди.
Изоҳ (0)