Ўзбекистонга Pfizer вакцинасининг 301 860 дозалик партияси олиб келинди

6 декабрь куни Ўзбекистонга Pfizer/BioNTech вакцинасининг 301 860 дозалик партияси олиб келинди. Бу ҳақда ССВ матбуот хизмати хабар берди.

Маълум қилинишича, Ўзбекистонда ҳозирда эмлаш жараёнларида фойдаланилаётган жами вакцина 43 107 478 дозани ташкил қилмоқда.

Улардан:

• 2 254 480 дозаси — AstraZeneca;
• 32 431 838 дозаси — ZF-UZ-VAC2001;
• 1 128 500 дозаси — «Спутник V»;
• 3 000 060 дозаси — Moderna;
• 2 316 600 дозаси — Pfizer/BioNTech;
• 1 976 000 дозаси — Sinovac вакцинасидир.

Шундан 34 874 583 дозаси эмлаш жараёнларида қўлланган.

Эслатиб ўтамиз, 25 октябрь куни АҚШ томонидан хайрия сифатида Ўзбекистонга юборилган Pfizer/BioNTech вакцинасининг 273 780 дозалик партияси олиб келинганди.

Аввалроқ Ўзбекистонга олиб келинган «Спутник Лайт» вакцинаси тугагани, Ўзбекистон ССВ вакцина олмаган фуқароларга эмланганлик ҳақида SMS-хабарномалар келаётганига изоҳ бергани, мамлакатда коронавирусга қарши бустер доза билан эмлаш бошлангани тўғрисида хабар берилганди.