O‘zbekistonda koronavirusga qarshi foydalanish uchun yana 7,5 mln doza vaksina topshirildi

O‘zbekistonda ishlab chiqarilgan va mamlakatga keltirilgan vaksinalar miqdori 42 million 805 ming dozadan oshdi, deya xabar bermoqda Sog‘liqni saqlash vazirligi.

Qayd etilishicha, O‘zbekistonda koronavirusga qarshi emlash jarayonlarida foydalanish uchun yana 7 566 020 doza vaksinalar topshirildi.

Ulardan:

• 6 498 020 dozasi ZF-UZ-VAC 2001;
• 408 000 dozasi “Sputnik V”;
• 660 000 dozasi AstraZeneca vaksinalaridir.

Shunday qilib, mamlakatda emlash jarayonlarida foydalanilayotgan jami vaksina 42 805 618 dozani tashkil qilmoqda.

Ulardan:

• 2 254 480 dozasi AstraZeneca;
• 32 431 838 dozasi ZF-UZ-VAC2001;
• 1 128 500 dozasi “Sputnik V”;
• 3 000 060 dozasi Moderna;
• 2 014 740 dozasi Pfizer/BioNTech;
• 1 976 000 dozasi Sinovac vaksinasi.

Shundan 31 192 046 dozasi emlash jarayonlarida qo‘llanildi.