Шавкат Мирзиёев ва Қосим Жўмарт-Тўқаев икки томонлама ҳамкорликнинг муҳим вазифаларини белгилаб олгани тўғрисида хабар берилганди. Ўзбекистон ва Қозоғистон расмий делегациялари иштирокида ўтказилган йиғилишда Нур-Султон шаҳрида Алишер Навоийнинг ҳайкали ўрнатилиши маълум қилинди.
Шавкат Мирзиёевнинг Қозоғистонга ташрифи давомида томонлар ўзаро гуманитар алмашинувларни кенгайтириш, таълим, фан, соғлиқни сақлаш, маданият ва санъат, туризм ва спорт соҳаларидаги ҳамкорликни мустаҳкамлаш масалаларини ҳам муҳокама қилган.
Қозоғистон президенти ўзбек ва қозоқ халқининг маънавий яқинлиги ва кўп асрлик дўстлиги рамзи сифатида Нур-Султон шаҳрида Алишер Навоий ҳайкали ўрнатилишини маълум қилган.
Эслатиб ўтамиз, 2017 йилда Хитойдаги Шанхай университетининг марказий майдонига Алишер Навоий ҳайкали ўрнатилган, 2018 йилда Душанбе шаҳрида Алишер Навоий ва Абдураҳмон Жомий ҳайкали очилган, 2019 йилда Минскда Алишер Навоий ҳайкали ўрнатилган эди.
Изоҳ (0)