Bugun,

  • USD 11014.01
  • RUB 191.8
  • EUR 10674.78

O‘zbekistonda koronavirusga qarshi buster doza bilan ixtiyoriy emlash amalga oshiriladi. Bu haqda Sanitariya-epidemiologiya xizmati xabar beradi.

Ma’lum qilinishicha, O‘zbekiston bosh davlat sanitariya vrachining ko‘rsatma xatiga muvofiq respublika aholisi o‘rtasida koronavirus infeksiyasiga qarshi immunitetni oshirish maqsadida 17-noyabr kunidan boshlab to‘liq vaksina kursini olgan fuqarolar (2 yoki 3 marotaba emlanganlar) buster doza bilan ixtiyoriy emlanadi.

Eslatib o‘tamiz, mamlakatda aholini koronavirusga qarshi emlash tadbirlari 1-apreldan boshlandi. Emlash ixtiyoriy va bepul, vaksina olishdan bosh tortganlarga hech qanday chora ko‘rilmaydi. Iyun oxiridan boshlab esa Toshkentda 18 yoshdan oshganlar koronavirusga qarshi ommaviy emlash boshlangandi.

Xususan, hozirgi kunga qadar 6 turdagi 42 million 805 ming doza COVID-19 ga qarshi vaksina keltirilgan. Shuningdek yil oxiriga qadar 5,6 million doza vaksina keltirilishi kutilmoqda.

Ma’lumot uchun, vaksinatsiyadan so‘ng insonlarda odatda koronavirusga qarshi yuqori himoya darajasi shakllanadi. Vaksinalar juda samarador bo‘lib borayotganiga qaramay, vaqt o‘tishi bilan COVID-19 infeksiyasiga qarshi himoya kuchsizlanadi. Vaksinaning dastlabki himoyasi kuchsizlana boshlagach, himoyani kuchaytirish uchun qo‘shimcha vaksina qilinadi — bu buster doza deyiladi.

Izoh
Asosiy yangiliklar
Mahalliy
Samarqandda to‘yda yo‘qolib qolgan 4 yoshli bolaning jasadi quduq ichidan topildi
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi