Футбол бўйича Ўзбекистон Кубогининг финал ўйинида «Пахтакор» ва «Насаф» жамоалари 4 декабрь, шанба куни ўзаро тўқнаш келди.
Самарқандда ўтган ўйин «Насаф»нинг 2:1 ҳисобидаги ғалабаси билан якунланди. Дастлаб 28-дақиқада Одилбек Ҳамробеков кучли зарбаси билан ҳисобни очди. Орадан ўн дақиқа ўтгач, Баҳром Абдураҳимов мувозанатни тиклади. Бунгача қаршиликлар бир киши кам бўлиб қолганди, Ойбек Бозоров хавфли ўйин учун майдондан четлатилди.
Иккинчи 45 дақиқаликда эса Ғолиб Ғайбуллаев бурчакдан оширилган тўпни боши билан дарвозага жойлаб қўйди ва «аждарлар»га ғалаба келтирди.
Шу тариқа «Насаф» ҳал қилувчи ўйинда «Пахтакор»ни енгиб, Ўзбекистон Кубогини қўлга киритди ва Осиё Чемпионлар Лигаси плей-офф ўйинида қатнашиш имкониятига эга чиқди. Қарши клуби ўз тарихида 2 марта Ўзбекистон Кубогида ғалаба қозонди.
Ўзбекистон Кубоги
Финал баҳси
4 декабрь, шанба
«Пахтакор» — «Насаф» 1:2
Голлар: 1:0 — 28 Ҳамробеков, 1:1 — 38 Абдураҳимов, 1:2 — 75 Ғайбуллаев.«Пахтакор»: Элдор Суюнов, Ҳожиакбар Алижонов, Анзур Исмоилов, Одил Ҳамробеков, Шерзод Темиров (Диёр Холматов, 90), Достон Ҳамдамов (Азиз Турғунбоев, 80), Ҳожимат Эркинов, Сардор Собирхўжаев (Аброр Исмоилов, 80), Фаррух Сайфиев, Аббос Файзуллаев (Боян Матич, 68), Шаҳзод Азмиддинов (Марлен Чобанов, 46).
«Насаф»: Умид Эргашев, Ғолиб Ғайбуллаев, Дилшод Саитов, Баҳром Абдураҳимов (Шаҳзод Акромов, 61), Ҳусайн Норчаев, Суҳроб Нуруллоев, Акмал Мозговой, Шерзод Насруллаев, Абубакр Ризо Турдалиев (Мурод Раҳматов, 61), Ойбек Бозоров, Умар Эшмуродов.
Огоҳлантиришлар: Азмиддинов (24), Ҳамробеков (44), Акромов (61), Чобанов (83).
Четлатиш: Ойбек Бозоров (34).
Изоҳ (0)