Qatar Airways Ўзбекистонга мунтазам авиақатновларини амалга ошириш учун сентябрь бошларида рухсатнома олганди. Компания матбуот хизматининг маълум қилишича, Доҳадан Тошкентга биринчи рейс 2022 йил 17 январь куни амалга оширилади.
Қайд этилишича, мунтазам қатновлар Тошкентни Доҳадаги Ҳамад халқаро аэропорти орқали БАА, Саудия Арабистони, Ҳиндистон ва АҚШ каби 140 дан ортиқ йўналишларга боғлайди.
Рейслар ҳафтасига икки марта: Доҳадан Тошкентга душанба ва жума кунлари, Тошкентдан Доҳага эса сешанба ва шанба кунлари амалга оширилади.
Парвозлар Airbus 320, Airbus 321, Airbus 350, Boeing 777 ва Boeing 787 самолётларида амалга оширилиш режалаштирилаётгани маълум қилинганди. Дастлабки рейс 12 ўринли бизнес класс ва 120 ўринли эконом классдан иборат Airbus А320 самолётида амалга оширилади.
Аввалоқ Ўзбекистон ва Афғонистон ўртасида тўғридан-тўғри авиақатновлар йўлга қўйилиши ҳақида хабар берилган эди.
Изоҳ (0)