Туризм ва спорт вазирлиги, Жанубий Корея ҳукумати ҳамда Корея Маданий мерос бошқармаси билан биргаликда 2020 йилдан бошлаб Ўзбекистон маданий меросини асраш бўйича ОDА (Offissial Development Assistance) лойиҳасини амалга оширди, дея хабар бермоқда вазирлик ахборот хизмати.
Лойиҳанинг иккинчи босқичи доирасида 700 минг АҚШ доллари миқдоридаги грант асосида Ўзбекистон маданияти тарихи давлат музейи қошида археологик топилмаларни ўрганиш ва тиклаш бўйича замонавий лаборатория ташкил этилди.
Соҳа мутахассислари учун маҳорат дарслари ўтказилди ҳамда 95 та экспонат қайта тикланди, Афросиёб музейидаги деворга битилган расмлар намойиш этилаётган хона таъмирланди.
Бундан аввал Шаҳрисабз, Марғилон ва Хивада Маданий мерос техникумлари ташкил этилиши, Ўзбекистонда моддий маданий мерос объектларига зарар етказган шахсларга нисбатан жазо чоралари кучайтирилиши ҳамда Ўзбекистондан ноқонуний равишда олиб чиқиб кетилган маданий бойликлар Ислом цивилизацияси марказига топширилгани ҳақида хабар берилганди.
Изоҳ (0)