Тошкентда марафон ўтказилиши муносабати билан 28 ноябрь куни айрим кўчаларда ҳаракат вақтинча чекланади

Тошкент шаҳрида 28 ноябрь куни «Саломатлик сари 5000 қадам» ярим марафони ўтказилиши муносабати билан бир қатор кўчаларда транспорт воситаларининг ҳаракати 08:00 дан 14:00 гача чекланади. Бу ҳақда шаҳар Ички ишлар бош бошқармаси хабар қилди.

Қайд этилишича, шу куни Ойбек ва Афросиёб кўчаларида 3,5 километр масофада марафон ўтказилади. Шу сабаб Ойбек ва Афросиёб кўчалари Нукус кўчасидан Ислом Каримов кўчасигача чекланади. Афросиёб кўчаси Бешёғоч чорраҳаси Олмазор—Ислом Каримов чорраҳасигача, шунингдек, Шароф Рашидов, Шота Руставели ва Миробод кўчалари кесишган жойгача чекланади.