Ўзбекистонда 2021 йил 1 октябрь ҳолатига кўра фақатгина Сирдарё вилоятининг доимий аҳолиси сони бир миллиондан кам. Бу ҳақда Статистика қўмитаси хабар қилди.
Маълум қилинишича, Сирдарё вилоятининг доимий аҳолиси сони 873,8 минг кишига етган. Шундан аёллар 435 минг кишини, эркаклар 438,8 минг кишини ташкил этади.
Аввалроқ Давлат статистика қўмитаси доимий аҳолининг ёш таркиби бўйича тақсимланиши ҳақида маълумот берганди. Унга кўра, 4 ёшгача бўлганлар аҳоли сонида энг катта улушни ташкил этган.
Қўмита маълумотларига кўра, мамлакатда аҳоли сони ҳар куни ўртача қарийб 2 минг кишига ошмоқда. 2021 йилнинг 1 октябрида Ўзбекистон доимий аҳолиси сони 35 миллион 79 минг 200 кишига етди. Шундан 17 432 730 нафарини аёллар, 17 646 460 нафарини эркаклар ташкил қилди. Яъни эркаклар сони аёлларга қараганда 213 730 нафарга кўп.
Эслатиб ўтамиз, Ўзбекистонда энг кўп доимий аҳолига эга вилоят Самарқанд ҳисобланади. Вилоятда 4 миллион 8 минг 843 киши истиқомат қилади.
Изоҳ (0)