Шавкат Мирзиёевнинг Тошкентдаги Шайхонтоҳур туманида жойлашган маҳалла ва муассасаларга ташрифи — суратларда

Аввал хабар берилганидек, 23 ноябрь куни Ўзбекистон президенти Шавкат Мирзиёев Тошкент шаҳри Шайхонтоҳур туманидаги амалга оширилаётган маҳаллалар, бунёдкорлик ишлари, муассасалар фаолияти билан танишди.

Давлат раҳбари кутилмаганда «Гулобод» маҳалласига ҳам ўтиб, мавжуд ҳолатни кўздан кечирди, одамлар билан суҳбатлашди.

Президент Шайхонтоҳур тумани Гулобод мавзесига ташрифи давомида 41-мактабга кирди.

Шундан сўнг Шавкат Мирзиёев «Сарҳумдон»  маҳалласида «Яшил макон» лойиҳаси доирасида маҳалла оқсоқоллари билан бирга ушбу боғга кўчатлар ўтқазди. Нуронийлар юртимизга ҳамиша тинчлик, халқимизга фаровонлик тилаб дуо қилди.

Шундан сўнг давлат раҳбари Шайхонтоҳурдаги Марказий кўп тармоқли поликлиникани бориб кўрди.

Шавкат Мирзиёев ташриф буюрган кейинги жой «Олим Хўжаев» маҳалласида реновация дастури бошланмоқда. Бу ердаги 2 қаватли уйлар эксплутациясига 65 йил бўлган. Эскирган уйлар бузилишидан олдин бу ерда 9 қаватли уйлар қурилади. Уйлар тўлиқ битгандан сўнггина эски уйлар бузилади ва аҳоли янги уйларга кўчирилади. Битта бузилган хонадонга битта янги хонадон берилади.

Шавкат Мирзиёев бу ерда яшовчиларнинг кайфияти, бунга муносабатини ўрганиш учун нуроний онахонлар билан учрашди. «Мен сизга нон бермоқчиман» деб президентга нонлар совға қилган онахон севимли қўшиқчим Севара Назархоннинг аяси Муҳтарамхон Бекназарова бўлиб чиқди. Ақлли, самимий, мулоҳазали аёл», деб ёзади ушбу учрашувлардан бирига гувоҳ бўлган блогер Азиза Қурбонова.

Президентнинг кун тартибидан ўрин олган сўнгги манзил Шайхонтоҳур туманидаги «Real Teks Tashkent» масъулияти чекланган жамияти бўлди.

Шу ерда Тошкент шаҳри ва туманлар ҳокимлари, сектор раҳбарлари, маҳалла раислари иштирокида йиғилиш бўлди. Йиғилишда янги тизим асосида маҳаллаларда туман ҳокими ёрдамчиси ҳамда Тошкент шаҳар ҳокимининг ёрдамчиси — ёшлар етакчиси лавозимларини жорий этиш масаласига алоҳида эътибор қаратилди.