Юлдузларнинг харажатлари: машҳурлар биринчи гонорарига нима сотиб олган?

Фаолияти давомида кўплаб мухлислар қалбидан жой олган шоу-бизнес вакиллари дебют иши учун тўланган маблағни нимага сарфлагани ҳақида Harper’s Bazaar нашри маълумот беради.

Дональд Гловер

Дональд коллеждаги талабалик давридаёқ «Студия 30» номли сериалда сценарий муаллифи сифатида иш бошлаган. «Дўстларимга қараганда менда пул кўпроқ эди, аммо мен ўйламасдан, кўкка совурганман. Жуда ҳам ёш эдим. Ростини айтсам, ўзим учун конфет сотиб олганман. Болалигимда менга тақиқлаганлари сабаб ҳам ўзимни конфет билан сийлашга қарор қилганман», – деган у.

Калеб Маклафлин

Етти ёшида «Жуда ғалати ишлар» (Stranger things) сериалида суратга тушган актёр илк гонорарига янги спорт оёқ кийими сотиб олган. У Nike брендининг «Жорданнинг қанотлари» номли кроссовкасини харид қилганини таъкидлаган.

Жонни Депп

Интервьюларидан бирида Депп юлдуз бўлганидан кейин қўлга киритган биринчи маблағига онаси учун Лексингтондан узоқ бўлмаган ердан ферма сотиб олганини маълум қилган.

Николь Кидман

«Биринчи маошимга ота-онам учун кир ювадиган машина сотиб олганман. Кейин эса менга ҳаётимдаги энг ажойибдек туйилган пойабзални харид қилганман.

Женнифер Лопес

Клубда ишлаган вақти Кинен Айвори Уаянс берган Honda’да юрган Лопес айнан шу машинада кастингга борган. Биринчи марта тўланган катта миқдордаги маблағни эса Mercedes сотиб олиш учун сарфлаган.

Серена Уильямс

Машҳур теннисчи Серена эса олган биринчи гонорарини сарфламасдан, банкка қўйишни афзал билган.

Эшли Грэм

Биринчи катта харидни Chanel’дан туфли сотиб олишдан бошлаган Эшли пулининг аксарият қисмини шахсий тренер учун сарфлаганини маълум қилган.

Бред Питт

«Актёр сифатида биринчи маошимни қўлга киритганда уни Фрэнк Ллойд Райтнинг эски стули ва лампасини сотиб олишга сарфлаганман. Иккинчи маошимга эса стерео харид қилганман», – деган актёр.

Бри Ларсон

Актриса Бри Ларсон эса бошқалардан фарқли ўлароқ, маблағини кўк рангли электрогитарага сарфлаган.

Синди Кроуфорд

Супермодель Синди Кроуфорд бўлса, пулларини уйини таъмирлаш учун ишлатган.

Рами Малек

Рами эса қаҳвахўрларга хос танлов қилган. «Биринчи маошимни ўзим учун қаҳва машинаси олишга сарфлаганман», – деган у.