Ота-онаси уларга исм танлашга кучли фантазия билан ёндашган машҳурлар (фото

Одатда фарзанд кутаётган ота-оналар унга қандай исм қўйиш ҳақида узоқ бош қотиради. Баъзилар машҳур исмлар китобини бошидан охиригача ўрганади, бошқалар эса қариндош ёки жамият ривожига катта ҳисса қўшган шахс шарафига номлашга қарор қилади.

Леонардо Ди Каприо – Леонардо да Винчи

Бўлажак актёрнинг онаси Ирмелин унга ҳомиладор вақтида Флоренциядаги Уффици галереясида италиялик рассом ва олим Леонардо да Винчининг асарларини томоша қилган. Ўша пайтда у қорнидаги боласининг тепаётганини ҳис қилган ва бўлажак ўғлига Леонардо деб исм қўйишга қарор қилган.

Ума Турман – Ума маъбудаси

Болалигида актрисани ғайриоддий исми учун масхара қилишар эди. Аммо актрисага бу исм номларидан бири Ума бўлган ҳиндларнинг севги, гўзаллик ва уйғунлик маъбудаси Парвати шарафига қўйилган. Албатта, бу тасодиф эмас, унинг отаси Роберт Турман ҳинд-тибет буддист анъаналари соҳасида мутахассис эди.

Селена Гомес – қўшиқчи Селена Кинтаниля

Актриса ва қўшиқчининг исми 90 йилларда Лотин Америкасидаги энг нуфузли ижрочилардан бири бўлган Селена исмли машҳур америкалик хонанда шарафига қўйилган.

Кира Найтли – фигурали учувчи Кира Иванова

Актрисанинг исмини унинг отаси телевизорда россиялик фигурали учувчи Кира Ивановани кўрганидан кейин танлаган. Рўйхатга олиш пайтида қизнинг онаси тасодифан «иэ» ўрнига «эи» деб ёзган, шунинг учун актрисанинг исми «Кеира»га айланган.

Себастиан Стен – Иоганн Себастьян Бах

Marvel студияси фильмларида Баки роли билан бутун дунёга машҳур бўлган актёрнинг онаси пианиночи Жоржетте Орловски ўғлини немис бастакори – Иоган Себастьян Бах шарафига номлаган.

Скарлетт Йоханссон – Скарлетт O’Хара

Голливуд актрисасига бу исм Маргарет Митчеллнинг «Шамолларда қолган ҳисларим» сериалининг бош қаҳрамони, саргузаштли ва темпераментли Скарлетт O’Хара шарафига қўйилган.

Жуд Лоу – The Beatles гуруҳининг Hey Jude таронаси

Актёрнинг ота-онаси ўғлига Британиянинг The Beatles гуруҳининг Hey Jude қўшиғидаги қаҳрамон исмини қўйган.

Вайнона Райдер – АҚШнинг Миннесота штатида жойлашган шаҳар

Одатда кўча ва шаҳарлар машҳур кишилар номи билан аталади, бироқ Миннесота штатининг Олмстед шаҳрида туғилган актриса Вайнона Райдерда бунинг акси бўлган.  Қўшни шаҳар Вайнона деб номланади, дея ота-онаси унга шундай ноодатий исм қўйган. Қизиғи шундаки, актрисанинг укаси космонавт Юрий Гагарин шарафига номланган.

Тора Бёрч – Худо Тор

Кўпчилик «Фокус-покус» ва «Америкача гўзаллик» фильмларида ўйнаган роллари орқали таниган Тора Бёрчнинг ота-онаси уни Скандинавия мифологиясидаги момақалдироқ ва чақмоқ худоси Тор шарафига номлаган.

Хелли Берри – савдо мажмуаси

Хелли Берри ўз исмини Ҳаллеъс савдо мажмуаси шарафига олди. У 1891 йилдан 1982 йилгача актрисанинг она шаҳри Кливлендда диққатга сазовор жой бўлган.

Маколей Карсон Калкин – тарихчи Томас 

«Уйда ёлғиз» комедиясидаги роли билан барчага таниш бўлган актёр британиялик тарихчи ва сиёсатчи Томас Бабингтон Маколей шарафига шундай ноодатий исмни олган. Иккинчи исм унга америкалик чегарачи Кейт Карсон шарафига қўйилган.

Энн Хэтэуэй – Уильям Шекспирнинг рафиқаси

Актриса инглиз шоири ва драматурги Уильям Шекспирнинг рафиқаси шарафига номланган ва бу унинг тўлиқ исмидир. Гап шундаки, драматургнинг рафиқаси унга турмушга чиқмасидан аввал Хэтэуэй фамилиясида бўлган.

Тэйлор Свифт – мусиқачи Жеймс Тэйлор

Машҳур америкалик қўшиқчи эркак хонанда Жеймс Тэйлор шарафига номланган. 2011 йилда икки мусиқачи Нью-Йоркдаги Медисон-сквер-гарденда дуэт куйлаган.

Кит Харингтон – шоир Кристофер Марло

«Тахтлар ўйини» юлдузининг тўлиқ исми – Кристофер Кейтсби Харингтон. Актёрнинг онаси унинг исмини Елизавета давридаги инглиз шоири Кристофер Марло шарафига қўйган. Қизиғи шундаки, Кит ўзининг тўлиқ исмини фақат 11 ёшида билган.

Бинди Сью Ирвин (Стив Ирвиннинг қизи) – Бинди тимсоҳ

Машҳур австралиялик табиацҳунос ўзининг ёлғиз қизини севимли тимсоҳи – Бинди шарафига номлади. Иккинчи исми эса ити – Сью шарафига қўйилган.

Зендая – шона қабиласи тилида «миннатдорчилик»

«Ўргимчак одам» фильмининг юлдузи, машҳур актриса ва қўшиқчининг исмини унинг отаси танлаган. Зендая номи «Тендаи» сўзидан олинган бўлиб, шона қабиласи тилида «миннатдорчилик» деган маънони англатади.

Киану Ривз – Гавайи тилида «тоғ чўққиларидан совуқ шамол»

Томирларида турли миллатларнинг қони оқаётган актёрнинг исми гавайи тилида «тоғ чўққиларидан совуқ шамол» деган маънони англатади. У амакиси Генри Киану Ривз шарафига шундай номланган.