Бахтли оила қуришга ҳеч қачон кеч бўлмаслигини исботлаган машҳур аёллар (фото)

Одатда 20 ёшдан ошган бўлса-да, турмушга чиқишга шошмаётган қизлар атрофида «ўтириб қолган» ёки «қари қиз» каби иборалар янграр эди. Бироқ ҳозирда бундай қарашлар эскирган. Дарҳақиқат, статистик маълумотларга кўра, Ғарб мамлакатларида турмуш қуриш арафасидаги аёлларнинг ўртача ёши доимий равишда ўсиб бормоқда.

Эми Адамс

2015 йилда Эми Адамс тахминан 15 йил давомида яқин муносабатда бўлиб келган севгилиси Даррен Ле Галло билан оила қурди. У турмушга чиқаётганида 41 ёшда эди. Эмининг сўзларига кўра, энди севгилиси «қўлга тушган». Шунингдек, турмуш ўртоғининг мақоми унга керак бўлган хотиржамлик ҳиссини берди.

Актриса Кемерон Диас рок-мусиқачи Бенжи Медден билан учрашгунга қадар умуман турмушга чиқиш ҳақида ўйламаганди. Фақатгина Бенжини муносиб умр йўлдоши сифатида кўрди, шунинг учун у турмуш қуриш таклифини олганида, жавоб беришда узоқ вақт иккиланмади. Камерон 42 ёшида Бенжининг рафиқасига айланди.

Сальма Хайек

Актриса 2009 йил 42 ёшида бизнесмен ва миллиардер Француа-Анри Пинога турмушга чиқди. Журналистлар бир неча бор актрисани манфаат учун оила қурганликда айблаган. Бироқ унинг ўзи шундай дейди: «Улар хоҳлаган нарсани ўйласин. Биз 10 йилдан ортиқ вақт ўтдики, биргамиз ва севгимиз тобора кучайиб бормоқда».

Жери Халлиуэлл

Spice Girls аъзоси Жери Халлиуэлл 2015 йилда Red Bull «Формула 1» жамоаси етакчиси Кристиан Хорнернинг турмуш ўртоғига айланди. Ўша пайтда у 42 ёшда эди. Уларнинг аввалги оиласидан болалари ҳам бўлган ва 2017 йилда жуфтликнинг яна бир фарзанди дунёга келган.

Рейчел Вайс

Рейчел Вайс 41 ёшида турмушга чиқди. У бутун дунё бўйлаб миллионлаб аёлларнинг севимли актёрига айланган Дэниэл Крейг билан оила қурди. Фақат 4 нафар меҳмон иштирок этган ёпиқ никоҳ маросимида жуфтлик бир-бирига узук тақди.

Зои Салдана

Актрисанинг сўзларига кўра, унинг турмушга чиқишни ортга суриши ота-онасини ранжитган. Бироқ 35 ёшида Зои бўлажак турмуш ўртоғини учратди. Бу италиялик рассом Марко Перего эди.

Жессика Честейн

Жессика Честейн ва Монклер мода бренди раҳбари Жан Лука Пасси ди Препозуло 2017 йилда турмуш қурди. 40 ёшигача актриса турмуш қуриш масаласига қарши эди. Бироқ Жан Лука Жессикага таъсир ўтказди ва актриса ўз қарашларини қайта кўриб чиқди.

Ҳелен Миррен

Афсонавий актриса Ҳелен Миррен режиссёр Тэйлор Хекфордга 52 ёшида турмушга чиқди. Юлдуз буни биринчи никоҳ учун оддий ёш деб ҳисобламайди. Унинг сўзларига кўра, жуда кўп ёш қизлар узоқни ўйламай эрта турмуш қуради ва кейинчалик бундан азоб ҳам чекади. Ёш ўтган сари бундай қарорлар оқилона қабул қилинади.

Жулианна Маргулис

«Яхши рафиқа» сериали юлдузи Жулиан Маргулис ва адвокат Кит Либертал 2007 йилда турмуш қурган. Келин ўшанда 41 ёшда эди. Актрисанинг айтишича, у тўлиқ бўлмаган оилада ўсган, шунинг учун у узоқ вақт давомида турмуш қуришнинг аҳамиятини тушунмаган. Бироқ ўзидан 6 ёш кичик бўлган бўлажак турмуш ўртоғи билан учрашув ҳамма нарсани ўз ўрнига қўйди.

Ванесса Паради

45 ёшгача актриса турмушга чиқмаган бўлса-да, у Жонни Депп билан фуқаролик никоҳида тахминан 15 йил яшади. Мухлислар бу жуфтликни кун келиб айрилиб кетади, деб ўйламасди. Аммо, қандайдир тарзда, актёрлар ажрашди. 2018 йилда Ванесса биринчи марта тўй либосини кийди. Унинг турмуш ўртоғи таниқли француз режиссёри Самюуэль Беншетри.

Пенелопа Крус

Актёрлар Пенелопа Крус ва Хавер Бардем 36 ва 41 ёшида турмуш қуришди. Тўйгача улар бир неча йил давомида учрашиб юрган, лекин матбуот учун муносабатлари ҳақида ҳеч қандай изоҳ бермади ва ҳатто буни тасдиқламаган ҳам. Шу сабабли актёрларнинг никоҳи ҳамма учун кутилмаган воқеа бўлди.

Марсия Кросс

«Умидсиз уй бекалари» сериали юлдузи Марсия Кросс биринчи марта тўй либосини 44 ёшида кийган. У брокер Том Махонига турмушга чиқди. Тўйдан кўп ўтмай, актриса сунъий уруғлантириш йўли билан икки эгизак қизни дунёга келтирди. Эр-хотин жуда кўп синовларни бошдан кечирди, иккиси ҳам жиддий касалликка чалинди, аммо уларга қарши курашишга муваффақ бўлди.

Перис Хилтон

2021 йил ноябрь ойида 40 ёшли Перис Хилтон венчур сармоядори Картер Реум билан турмуш қурди. Илгари Перис бир неча марта унаштирилган, аммо ҳар сафар у ёки бу сабабга кўра никоҳ бузилган. Перис ва ниҳоят Картерга турмушга чиқди ва мухлислари унга фақат бахт тиламоқда.