Muxlislar, shon-shuhrat, mo‘maygina daromad — mashhur odamlar hayotda hamma narsaga egadek tuyiladi. Ammo ularda ham shunday vaqtlar bo‘lganki, hatto boradigan joyi, tunashga boshpanasi bo‘lmagan.

Jennifer Lopes

Foto: Legion-Media

Maktabni tugatgandan so‘ng Jey Lo Gollivud yulduzi bo‘lishga qat’iy qaror qiladi. Qiz o‘z orzusini ro‘yobga chiqarish uchun uydan ketishga ahd qiladi, lekin ota-onasi uni qo‘llab-quvvatlamaydi. “Bilasizmi, men kollejga borishni umuman xohlamasdim, kun bo‘yi raqs bilan shug‘ullanishni xohlardim, onam esa ta’lim olishimni talab qilardi. Shuning uchun men uydan ketdim”, — deydi yulduz intervyusida. Ota-onasi bilan janjallashgan Jey Loning boradigan joyi bo‘lmagan, birinchi ishiga kirgunga qadar raqs sinfxonasidagi divanda tunab yurgan.

Deniyel Kreyg

Foto: Legion-Media

Britaniyalik aktyor uchun shon-shuhratga erishish oson bo‘lmagan. Karyerasining boshida Deniyel kun kechirish uchun arzimagan maoshga ishlagan. Aktyor vaqti-vaqti bilan do‘stlarinikida, eng yomon paytlarda esa uysizlar uchun boshpanalarda va London parklaridagi skameykalarda yotib yurgan. Shunday qiyinchiliklarga qaramay, aktyor umidsizlikka tushmadi. Oxir-oqibat unga omad kulib, takliflar birin-ketin kela boshladi.

Holli Berri

Foto: Legion-Media

Faoliyatining boshida Holli Berri uysizlarga mo‘ljallangan boshpanalarda kun kechirgan. Holli aktrisa bo‘lishni va Nyu-Yorkda ishlashni orzu qilardi, lekin uning hech kimi va ijaraga puli ham yo‘q edi. “Avvaliga ishim ham, pulim ham bo‘lmagan. Men 20 yoshda edim — go‘yo butun dunyo oyog‘im ostida edi, men taslim bo‘lolmasdim”, — deydi intervyularidan birida aktrisa. Birinchi muvaffaqiyatsizlikka qaramay, Holli yulduz bo‘lish orzusidan voz kechmadi, ko‘rib turganimizdek, o‘z maqsadiga erishdi.

Jan Klod Van Damm

Foto: Legion-Media

Los-Anjelesga kelgan Jan Klod o‘zi kutganidek tezda ishga kira olmaydi. U uy ishlaridagi yordami evaziga yotishga ruxsat bergan odamlarning garajlarida tunashiga to‘g‘ri kelgan. “Uy egalari menga adyol va yostiq berishardi. Bular qulaylik uchun menda bor narsalar edi. Uyg‘onishim bilan tunaganim uchun pul berib, uydan chiqib ketardim. Keyin darhol yangi kastingga borardim”, — deb eslaydi aktyor jurnalistlarga bergan intervyusida.

Sem Uortington

Foto: Legion-Media

“Avatar” filmida Jeyk Salli rolini ijro etishdan oldin aktyor bor-budini sotib, Avstraliyadan Amerikaga kelgan. Puli tezda tugagach, Sem tunni mashinada, keyin arzon mehmonxonalarda o‘tkazib yurgan. “Avatar” filmida suratga tushganidan va gonorarni sezilarli darajada oshirganidan keyin ham aktyorning doimiy yashash joyi bo‘lmagan. “Men pul sarflashni xohlamayman. Mehmonxonadan mehmonxonaga ko‘chib yurishni yaxshi ko‘raman. Uyli bo‘lish degani telefon hisoblari va men xohlamaydigan bo‘lmag‘ur narsalarga pul sarflash demakdir”, — deydi Uortington intervyusida.