Президент Шавкат Мирзиёев Россияга ташрифини якунлаб, Тошкентга жўнаб кетди. Бу ҳақда Президент матбуот хизмати хабар қилди.
Қайд этилишича, Шавкат Мирзиёев ва Владимир Путин Халқаро ахборот хавфсизликни таъминлаш соҳасида ҳамкорлик тўғрисида қўшма баёнот қабул қилган. Ташриф доирасида жами 18 та икки томонлама ҳужжат имзоланган.
Таъкидланишича, давлат раҳбарларининг учрашувида Ўзбекистон—Россия стратегик шериклик муносабатларини янада мустаҳкамлаш ҳамда кўп қиррали ҳамкорликни, энг аввало, савдо-иқтисодий ва маданий-гуманитар соҳаларда кенгайтиришнинг долзарб масалалари батафсил кўриб чиқилган.
Эслатиб ўтамиз, Шавкат Мирзиёев 19 ноябрь, жума куни Россияга жўнаб кетганди. Давлат раҳбари Москвага етиб бориб, Кремлда Владимир Путин билан учрашди.
Изоҳ (0)