Shavkat Mirziyoyev Rossiya prezidenti Vladimir Putinning taklifiga binoan 19-noyabr kuni tashrif bilan Rossiyaga jo‘nab ketgandi. Prezident matbuot xizmati davlat rahbari Moskvaga yetib borganini ma’lum qildi.
Qayd etilishicha, “Vnukovo-2” aeroportida Shavkat Mirziyoyevni Rossiya prezidenti yordamchisi Maksim Oreshkin va boshqa rasmiy shaxslar kutib oldi. Shundan so‘ng Shavkat Mirziyoyev Vladimir Putin bilan muzokara o‘tkazish uchun Kremlga yo‘l oldi.
Uchrashuvda O‘zbekiston bilan Rossiya o‘rtasidagi strategik sheriklik va ittifoqchilik munosabatlarini mustahkamlash, turli sohalardagi hamkorlikni rivojlantirish masalalari muhokama qilinadi.
Rossiya TIV matbuot xizmati tashrif davomida har ikki davlat o‘rtasida 30 ga yaqin hujjat imzolanishi kutilayotganini ma’lum qilgandi. Mavzuga doir:
