Ҳукумат қарорига 17 ноябрь куни киритилган ўзгартиришларга кўра, Ўзбекистонда эски ҳайдовчилик гувоҳномасини алмаштириш муддати 1 йилга узайтирилди, деб хабар бермоқда Адлия вазирлигининг «Ҳуқуқий ахборот» канали.
«Миллий ҳайдовчилик гувоҳномасининг ҳамда автомототранспорт воситаси рўйхатдан ўтказилгани тўғрисидаги гувоҳноманинг янги намуналарини жорий этиш чора-тадбирлари тўғрисида»ги ҳукумат қарорига киритилган ўзгартиришларга мувофиқ эски ҳайдовчилик гувоҳномалари қуйидаги муддатларда янгисига мажбурий алмаштирилади:
- 2010 йилгача берилганлари — 2022 йил 31 мартгача;
- 2010–2020 йилларда берилганлари — 2022 йил 30 июнгача;
- 2013–2015 йилларда берилганлари — 2022 йил сентябргача;
- 2015 йилдан кейин берилганлари — 2022 йил 31 декабргача.
Эслатиб ўтамиз, Ўзбекистонда ҳайдовчилик гувоҳномасини алмаштириш муддати узайтирилиши мумкинлиги ҳақида 29 сентябрь куни ўтказилган матбуот анжуманида Давлат хизматлари агентлиги директори Улуғбек Муҳаммадиев маълум қилганди.
Давлат хизматлари агентлиги ҳайдовчилик гувоҳномасини янгисига алмаштириш ИИВ ЙҲХББ электрон тизимида техник-профилактик тадбирлар амалга оширилиши муносабати билан 12 ноябрдан бошлаб вақтинча тўхтатган.
Ўзбекистонда ID-картага эга ҳайдовчилардан ҳайдовчилик гувоҳномасини кўрсатиш талаб этилмайди
Изоҳ (0)