Навоий вилояти Қизилтепа туманида бир кеча тунаш учун нотаниш уйда қолган эркак уй эгасига нам салфеткани 100 миллион сўм деб бергани аниқланди. Бу ҳақда вилоят Ички ишлар бошқармаси хабар қилди.
Қайд этилишича, у кечки маҳал қизилтепалик нотаниш фуқаро уйига бориб, бир кеча тунаш учун жой сўраган. Эрталаб уй эгасига гуруч савдоси билан шуғулланиши айтиб, Хоразмдан бир «Камаз» юки келаётганини билдирган. Олдида катта купюрадаги пуллар борлигини, юкнинг йўл харажатлари учун эса майда пул кераклигини айтган эркак алдов йўли билан уй эгасидан 18 миллион 500 минг сўм олган.
Бундан ташқари, нам салфеткалардан қора селофанга ўраб тахланган буюмни 100 миллион деб кўрсатиб, уни сақлаб туриш учун хонадон эгасига берган. Шунингдек, жабрланувчининг 3 миллион сўмлик телефонини ҳам олган.
«Бир аҳмоқгарчилик бўлди-да, бошқа қайтарилмайди», — деган судланувчи.
Маълум бўлишича, у Жиноят кодексининг 168-моддаси (фирибгарлик) билан 4 марта жавобгарликка тортилмоқда. У аввал ҳам Самарқанд, Қашқадарё ва Навоий вилоятларида судланиб, жазога тортилган.
Мавзуга доир:
- Андижонда мижозининг жами 100 минг долларлик муаммосини «ҳал этиб берган» экстрасенс қўлга олинди
- Самарқандда ирим-сирим орқали бешикдаги болани даволаш мақсадида уй эгасининг тилла тақинчоқларни ўғирлаб кетган аёлларга суд ҳукми ўқилди
- Наманганда ўзини блогер деб таништириб судга таъсир ўтказишга уринган шахсга нисбатан жиноят иши қўзғатилди
Изоҳ (0)