Тошкент вилояти Зангиота туманидаги хонадонлардан бирида эркак 4 килограмм қуритилган гиёҳванд модда сақлаётгани аниқланди. Бу ҳақда вилоят Ички ишлар бош бошқармаси ахборот хизмати раҳбари Бобур Туляганов хабар қилди.
Маълум бўлишича, ҳудудий ички ишлар бўлими профилактика инспектори Д.Зикиров Боғзор магалласидаги хонадонлардан бирида оилавий жанжал бўлаётгани учун борган. Инспектор хонадон эгаси — 1959 йилда туғилган А.С. билан профилактик суҳбат ўтказаётган вақтда ҳовлида турган иккита қопда гиёҳванд моддага ўхшаш ўткир ҳидли ўсимлик ва 4 килограммга яқин қуритилган гиёҳванд модда уруғи борлигини аниқлаган.
Шунингдек, уй кўздан кечирилганда учта 3 литрли шиша идишда яшилсимон модда уруғи борлиги маълум бўлган. Дастлабки суриштирувлар вақтида А.С.нинг 1998 йилда туғилган ўғли С.А. юритилган текширувни терговга ўтказмай ёпиб бериш учун профилактика инспекторига 1 миллион 500 минг сўм пора таклиф қилган.
Таъкидланишича, инспекторнинг билдиргисига асосан ўтказилган тадбирда С.А. пулни ходимга пора тариқасида бераётган вақтида ушланган. Ҳолат юзасидан Зангиота тумани прокуратураси томонидан терговга қадар текширув ҳаракатлари бошланган.
Мавзуга доир:
- Самарқандда ёнидан гиёҳванд моддаси чиққан шахс бу ишни босди-босди қилиш учун ИИБ ходимига 2 минг доллар пора бераётганда ушланди
- ДХХ Жиззах, Андижон ва Тошкент вилоятларида гиёҳванд моддалар савдоси билан шуғулланган бир неча хориж фуқароларини қўлга олди
- Тошкентда гиёҳвандлик воситаларини сотиш билан шуғулланган интернет дўконларини реклама қилиб келган шахслар қўлга олинди
Изоҳ (0)