Сочларни текислаш учун ҳар доим ҳам дазмол ва фендан фойдаланиш ярамайди. Ҳароратнинг иссиқлиги ҳисобига соч толалари қуриши ва шикастланиши мумкин. Қуйидаги зарарсиз усуллар эса бу борада сизга ёрдам бериши мумкин.
«Тога»
Лотин америкаликлар сочларини айнан мана шундай текислашни афзал билади.
Қандай қилинади?
Кечаси ювилган сочни табиий йўл билан қуритинг. Сочларни бош атрофида айлантириб, қисқич билан йиғинг. Тонгда натижадан кўзингиз қувнаши аниқ.
Бигуди ёрдамида
Сочларни бигуди ёрдамида текислаш ҳам мумкин. Бу борада ёпишқоқ, пластикдан ишланган бигуди айни муддао. Улардан фойдаланганда соч табиий текис кўринади. Бунинг учун номига қуритилган сочларни бигудига ўраб, табиий қуришини кутиш керак. Кейин сочларни қўл ёрдамида тараш лозим.
Ламинация
Ушбу муолажани профессионаллар ёрдамида ёки уй шароитида желатин билан амалга оширса бўлади. Ушбу техника ёрдамида соч текис, қалин ва жилокор кўринади. Гўзаллик салонларида ушбу техника аксарият ҳолларда целлюлозали таркиб билан қилинади. Уйда эса бир ош қошиқ желатинга уч қошиқ сув қўшиб, бир муддат устини ёпиш, кейин эса микротўлқинли печга қўйиш керак. Бир ош қошиқ бальзам қўшилганидан кейин аралашма сочга суртилади. Илдизидан бир неча сантиметр қолиши керак. Соч устидан полиэтиленли қалпоқ кийиб, сочиқ билан ўраш лозим. 60 дақиқадан кейин сочни шампунь билан ювиб, табиий усулда қуритиш керак.
Сиркадан фойдаланиш
Сочни сирка қўшилган совуқроқ сувда ювиш ҳам яхши самара беради. Бунинг учун аралашмадан бироз сирка таъми келиб турса кифоя.
Резинка ёрдамида
Сочни иккига бўлиб, пастдан йиғинг. Яхшилаб таранг ва ҳар 3 сантиметрга резинка тақиб чиқинг. Тонгда резинкаларни ечиб, қўл билан тараш керак.
Изоҳ (0)