Ўзига хос турмакнинг сири сочларни тоза ва жараёнга тайёр экани билан боғлиқ бўлади. Бунинг учун эса шампунни бош терисининг ўзигагина суртиб, енгил массаж қилиш керак бўлади. Кейин бошни ювиб, муолажани қайта такрорлаш керак. Сўнгра соч илдизига текизмай, узунлиги бўйлаб кондиционер суртиш керак. 3 дақиқадан кейин сочларни қўл ёки резина тароқ билан тараш керак. Ювиб ташлагач, сочиқ билан ўраш ва 15 дақиқа кутиш мақсадга мувофиқ. Фенлашдан аввал иссиқликдан ҳимоя қиладиган воситадан фойдаланишни унутманг.
Биринчи усул
Ювиб қуритилган сочни ўртасидан фарқ очиб, иккига ажратинг. Резинка билан ажралган сочларни тепадан «пучок» қилиб йиғинг. 15 дақиқа ўтганидан кейин сочларни ёйинг, бу вақтда махсус ёғдан фойдалансангиз ҳам бўлади. Кейин эса қўллар билан аста-секин таранг. Қотириш учун лакдан фойдаланишингиз мумкин. Денгиз тузи қўшилган махсус спрей ҳам яхши ёрдам беради.
Иккинчи усул
Ювиб қуритилган сочни симметрик қилиб ўринг. Ўрилган кокиллар сони тўртта бўлсин. Учидан 2-3 см қолдиринг. 20-30 дақиқадан кейин қўллар билан таранг. Денгиз тузи қўшилган спрейдан фойдаланиб янада ўзига хос кўринишга эришиш мумкин. Бунинг учун воситани соч узунлиги бўйлаб сепинг.
Учинчи усул
Ювилган сочларни сочиқ билан қуритинг. Нам сочларни номига тараб чиқинг. Бошни олдинга эгиб, иккига бўлинган сочни учидан айланма ҳаракатлар билан йиғиб чиқинг. Резинка билан маҳкамлагандан кейин шундай ҳолда қуришини кутинг. Асосийси — турмаклашдан аввал сочларни деярли қуруқ, бироз нам бўлишига эътибор бериш керак. Қуриганидан кейин бошни олдинга, кейин эса орқага эгиб сочларни қўл билан таранг.
Изоҳ (0)