Европа Иттифоқи Польша чегарасидаги миграция билан боғлиқ вазият сабаб Минск аэропортига қарши чекловлар жорий этиш имкониятини кўрмоқда. Бу ҳақда Financial Times’га таяниб, «Коммерсантъ» хабар берди. Бундан ташқари, 20 нафар Беларусь амалдори, «Минск» меҳмонхонаси ва Суриянинг Cham Wings Airlines авиакомпаниясига қарши санкциялар қўлланилиши мумкин.
Манбаларнинг таъкидлашича, Европа Иттифоқи давлатлари ҳозирча аэропортга қарши санкциялар жорий этиш масаласида ягона қарорга келмаган. Бу юридик мураккабликлар билан боғлиқ. «Минск» меҳмонхонасига қарши чекловларни қўллаш режасига у ерга мигрантлар жойлаштирилаётгани сабаб бўлмоқда. Тахминларга кўра, ЙИ ўз иттифоқдошлари билан ҳаракатларини келишиб олиб, якуний санкциялар рўйхатини шакллантиришга бир неча ҳафта вақт кетади.
Аввалроқ Брюссель Польша билан чегарадаги миграция инқирози сабаб Беларусга қарши санкцияларни кенгайтириш ниятини эълон қилганди. Reuters манбаларининг маълум қилишигача, чекловлар 30 нафар жисмоний ва юридик шахсларга нисбатан қўлланилиши мумкин. Беларусь президенти Александр Лукашенко санкцияларнинг кенгайтирилишига нисбатан Ямал—Европа газ қувурини узиб қўйиш билан таҳдид қилган. Сакциялар эҳтимоллиги фонида Cham Wings Airlines Минскка рейсларини бекор қилган.
Мавзуга доир:
Изоҳ (0)