Узунроқ ва ихчам юз шакли одамни ёшроқ кўрсатиши сир эмас. Думалоқ юзни бундай кўрсатиш учун контуринг қилишга ҳожат йўқ. Соч турмаги билан ҳам кутилган натижага эришиш мумкин.
Номига қилинган жингалак
Сочларни номига жингалак қилиб, турмаклаб юриш овал шаклидаги юз эгалари учун айни муддао. Бунинг учун соч каскад қилиб кесилган бўлса яна яхши.
Классик боб
Калта соч турмаги думалоқ юз эгаси учун тўғри келмайди деб ўйлаганлар янглишади. Классик боб соч турмагида сочнинг олд қисми узун, орқаси калта экани ҳисобига юзнинг думалоқлиги кўзга ташланмайди.
Учлари узун-калта қилиб кесилган соч турмаги
Юзининг думалоқлигини яшириш учун бундай соч турмаги классик ва энг яхши усуллардан бири ҳисобланади. Бундай усул сочни ҳажмли кўрсатиб, юзнинг думалоқлигини яширади. Шунга қарамай, аёл ёки қиз сочлари учун исталган узунликни танлаши мумкин бўлади.
Пикси
Мазкур соч турмагидаги чўлка ва сочнинг узун қисми юзнинг думалоқлигига урғу берилмаслигини таъминлайди. Асосийси, чўлкани узунроқ қилиб кесиш керак. Калта бўлса, хунук кўриниб қолади.
Шег
Учлари текис қилиб кесилмаган ва табиий кўринишдаги соч турмаги мазкур мавсумда ҳар қачонгидан ҳам долзарброқ. Думалоқ юзни бироз чўзинчоқроқ кўрсатиш учун ўртача узунликдаги соч турмагини танлаш керак.
Изоҳ (0)