Ўзбекистон тижорат банкларида доллар курси 10 785 сўмгача кўтарилди

Ўзбекистондаги бир нечта тижорат банклари 12 ноябрь куни доллар валютасининг сўмга нисбатан курсини оширди.

Аксарият банклар 1 АҚШ долларини 10 680 сўмга сотиб олишни, 10 785 сўмга сотишни таклиф қилмоқда. Бу янги энг юқори кўрсаткич. Бундан олдинги рекорд қарийб бир кун олдин — 11 ноябрь куни ўрнатилган эди. Ўшанда 1 АҚШ долларининг курси 10 770 сўмга чиққан.

Қуйида долларнинг янги қийматини эълон қилган айрим банклар келтирилган:

• Universal банк: сотиб олиш — 10 680, сотиш — 10 780;
• «Равнақ банк»: сотиб олиш — 10 720, сотиш — 10 785;
• «Агробанк»: сотиб олиш — 10 700, сотиш — 10 780;
• «Капитал банк»: сотиб олиш — 10 730, сотиш — 10 785;
• «Савдогар банк»: сотиб олиш — 10 730, сотиш — 10 780.