O‘zbekistondagi bir nechta tijorat banklari 11-noyabr, payshanba kuni dollar valyutasining so‘mga nisbatan kursini oshirdi.
Aksariyat banklar 1 AQSh dollarini 10 710 so‘mga sotib olishni, 10 770 so‘mga sotishni taklif qilmoqda. Bu eng yangi yuqori ko‘rsatkich. Bundan oldingi rekord qariyb ikki oy oldin — 16-sentabrda o‘rnatilgan edi. O‘shanda 1 AQSh dollarining kursi 10 760 so‘mga chiqqan.
Quyida dollarning yangi qiymatini e’lon qilgan ayrim banklar keltirilgan:
- “Agrobank”: sotib olish — 10 710, sotish — 10 770;
- Asia Alliance Bank: sotib olish — 10 710, sotish — 10 760;
- NBU: sotib olish — 10 710, sotish — 10 770;
- Orient Finans Bank: sotib olish — 10 660, sotish — 10 770;
- “Savdogar bank”: sotib olish — 10 710, sotish — 10 770.
Eslatib o‘tamiz, Markaziy bank ichki valyuta bozorida valyuta oldi-sotdi operatsiyalarini takomillashtirish to‘g‘risidagi qarorga ko‘ra, O‘zbekistonda 15-fevraldan boshlab valyuta kursi haftada bir marta emas, har ish kuni e’lon qilinishi belgilangan.