Қашқадарё вилояти Косон туманида жойлашган трансформаторда ёнғин чиқди. Ҳолат акс этган видео ижтимоий тармоқларда тарқалди.
ФВВ матбуот хизмати маълумотига кўра, туманнинг «Пудина» МФЙ, Зиёратгоҳ кўчасида жойлашган трансформаторда ёнғин содир бўлаётгани тўғрисида хабар Фавқулодда вазиятлар бўлимига 9 ноябрь куни соат 18:34 да келиб тушган.
Хабарга кўра 1 та ёнғин-қутқарув экипажи соат 18:49 да воқеа жойига етиб борган. Трансформатор ҳудудий электр тармоқлари корхонаси мутахассислари томонидан электр тармоғидан узилгандан сўнг ёнғин соат 19:22 да тўлиқ бартараф этилган.
Қайд этилишича, ҳодиса оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган зарар миқдори аниқланмоқда.
Изоҳ (0)