Бундан буён, беморларнинг Республика кардиология марказларида даволаниши учун берилган барча имтиёзлар (ордер бериш тартиби), уларнинг филиалларига ҳам тўлиқ татбиқ этилади. Бу ҳақда Шавкат Мирзиёев раислигида ўтаётган юрак-қон томир касалликлари мавзусидаги видеоселектор йиғилишида маълум қилинди, дея хабар бермоқда «Дарё» мухбири.
Ҳозиргача юрак томирларини стентлаш амалиёти ордер асосида республика марказларида бепул бажарилса, вилоят филиалларида ушбу хизматлар бемор томонидан 100 фоиз қопланади.
Президент томонидан ССВ вазири А.Ҳожибоев, Кардиология маркази раҳбари (Хуршид Фозилов) вилоят ҳокимлари билан бирга, икки ой муддатда келгуси икки йилда барча ихтисослашган кардиология хизматларини вилоятгача тушириш бўйича дастур ишлаб чиқиши бўйича топшириқ берилди.
«Кардиология марказининг вилоят филиалларида кўрсатиладиган хизматлар 15 тадан 35 тагача етказилади. Мисол учун, Кардиология марказининг Хоразм вилояти филиалига Оролбўйи минтақавий марказ мақоми берилиб, уни жиҳозлашга 20 миллиард сўм ажратилгани ҳисобига республика даражасида амалга ошириладиган барча амалиётлар вилоятнинг ўзида йўлга қўйилади.
Ҳожибоев, Кардиология маркази раҳбари (Хуршид Фозилов) вилоят ҳокимлари билан бирга келгуси йил 1 июлга қадар ушбу амалиётни Наманган, Қашқадарё, Самарқанд, Сирдарё ва Жиззахда, келгуси йил якунигача Қорақалпоғистон, Андижон, Бухоро, Навоий, Сурхондарё, Фарғона вилоятларида йўлга қўйсин.
Шунингдек, Зарипов, Бозоров Ҳожибоев билан бирга келгуси йил 1 июнга қадар Кардиология маркази вилоят филиалларини замонавий ангиограф билан таъминласин.
Ҳожибоев, Даврон Ҳидоятов келгуси йил якунига қадар Нурафшон шаҳрида барпо этилаётган тиббиёт кластерида Кардиология марказини ташкил қилсин», – дея топшириқ берди Президент.
Изоҳ (0)