Bugun,

  • USD 11095.31
  • RUB 173.84
  • EUR 10772.44

Surxondaryo viloyatining Termiz shahridagi elektr podstansiya hududida yong‘in sodir bo‘ldi, deb xabar bermoqda FVV matbuot xizmati.

Qayd etilishicha, yong‘in 28-iyun kuni soat 12:03 da Surxondaryo viloyati Termiz shahar “Tuproqqo‘rg‘on” MFY Denov ko‘chasida joylashgan elektr podstansiya hududidagi transformatorlarning birida yuz bergan.

Voqea joyiga Termiz shahar Favqulodda vaziyatlar bo‘limining 2 ta yong‘in-qutqaruv ekipajlari soat 12:08 da yetib borgan va yong‘in soat 12:10 da o‘rab olinib, 12:18 da to‘liq o‘chirilgan.

Hodisada jabrlanganlar va halok bo‘lganlar yo‘q. Hozirda yong‘in sababi va keltirilgan zarar miqdori aniqlanmoqda.

“Hududiy elektr tarmoqlari” matbuot xizmatining “Daryo”ga ma’lum qilishicha, yong‘in jamiyat tasarrufida bo‘lgan 110/10/6 kVli “Sharq” podstansiyasida 1986-yilda ishlab chiqarilgan quvvati 6300 kVA bo‘lgan T-3 va T-4 kuch transformatorlarida sodir bo‘lgan.

Foto: “Hududiy elektr tarmoqlari” matbuot xizmati

Foto: “Hududiy elektr tarmoqlari” matbuot xizmati

Hodisa oqibatida Termiz shahridagi “Jayxun”, “Tuproqqo‘rg‘on”, “Alpomish”, “Bog‘ishamol” va “Shifokorlar” MFYlarining ayrim hududlarida elektr energiyasi ta’minotida uzilishlar sodir bo‘lgan.

Ayni paytda yuzaga kelgan favqulodda o‘chishni qisqa muddatda bartaraf qilish maqsadida jamiyat mutaxassis xodimlari jalb qilinib, kamchiliklar bartaraf qilinmoqda va iste’molchilarni elektr energiyasi bilan ta’minlash chorasi ko‘rilmoqda.

Eslatib o‘tamiz, 2021-yilning boshlarida Sirdaryo viloyatining Xovos tumanida transformator portlab ketishi oqibatida 60 ta xonadon elektr energiyadan uzilgandi. Mart oyida Toshkent viloyati Parkent tumanidagi mahallalarning birida joylashgan transformator podstansiyasida yong‘in sodir bo‘lgandi.

Izoh
Asosiy yangiliklar
Iqtisodiyot
O‘zbekistonda 2022-yilda o‘rtacha oylik ish haqi qancha bo‘lgani ma’lum qilindi
Mahalliy
O‘zbekistonda so‘nggi olti yilda 122 ta yangi universitet va institut ochilgan. 2016-yilgacha ularning soni 77 ta edi
Dunyo
Pokistondagi masjidda xudkush terrorchi o‘zini portlatib yubordi, 25 kishi halok bo‘ldi (video)