Шавкат Мирзиёев раислигида ўтган юрак-қон томир касалликлари мавзусидаги видеоселектор йиғилишида давлат раҳбари Республика кардиология маркази фаолияти бутунлай ўзгариши кераклигини таъкидлади, дея хабар қилмоқда «Дарё» мухбири.
Бунда Кардиология марказида 15 дан зиёд юқори технологик амалиёт йўлга қўйилиши билдирилди.
«Бунинг учун:
- Кардиология маркази раҳбари (Хуршид Фозилов) Россиянинг Бакулев номидаги юрак-қон томир касалликлари жарроҳлик маркази ва Германиянинг Шарите университети каби нуфузли тиббиёт ташкилотларида йилига 30-50 тадан шифокор малакасини оширишни таъминлайди. Ушбу харажатлар бюджетдан қоплаб берилади;
- Марказга превентив кардиология, нур ёрдамида диагностика каби йўналишларда янги илмий-тадқиқотлар учун замонавий лабораториялар ташкил этилади.
Давлат раҳбари қон томир орқали юракдан ташқари бошқа касалликларни даволаш йўлга қўйилганини инобатга олиб, ушбу марказ клиникаси фаолиятини кўп тармоқли шаклга ўтказиш вақти келганини айтди.
Президент томонидан Беҳзод Мусаев, Лазиз Тўйчиев, А.Ҳожибоев, Кардиология маркази раҳбари (Хуршид Фозиловга) уч ой муддатда марказ фаолиятини трансформация қилиш бўйича янги таклиф киритиши ҳақида топшириқ берилди.
Изоҳ (0)