Белград шаҳри мезбонлигида ўтаётган бокс бўйича Жаҳон чемпионатининг 2 ноябрь кунги баҳслари бўлиб ўтмоқда.
-63,5 вазн тоифасида Ўзбекистон шарафини ҳимоя қилаётган Мужибилло Турсунов кубалик Энди Крузга қарши рингга кўтарилди. Уч раунд якунларига кўра кубалик боксчи 3:2 ҳисобида Турсуновдан устун келди. Шу тариқа Мужибилло ҳам мусобақа билан хайрлашди. Қайд этиш керак, Энди Круз амалдаги жаҳон ва Олимпиада чемпиони ҳисобланади.
Турсунов бундан аввалги босқичларда япониялик Тайга Иманага ва Хитой Тайпейи вакили Чу Ен Лаи устидан ғалаба қозонганди.
2 ноябрь кунги жангларни Мадиёр Саидраҳимов якунлаб беради. Унинг иштирокидаги жанг Тошкент вақти билан 00:40 дан сўнг бошланади.
Аввалроқ Ҳасанбой Дўстматов, Шоҳжаҳон Абдуллаев, Миразизбек Мирзахалилов, Шаҳрам Ғиёсов, Шаҳобиддин Зоиров, Асадхўжа Мўйдинхўжаев, Одилжон Аслонов, Нодиржон Мирзаҳмедов, Саиджамшид Жаъфаров ва Лазизбек Муллажонов каби ўзбекистонлик боксчилар Жаҳон чемпионатини тарк этганди.
Изоҳ (0)