Белград шаҳри мезбонлигида ўтаётган бокс бўйича Жаҳон чемпионатининг 2 ноябрь кунги баҳслари бўлиб ўтди.
-92 кг вазн тоифасида Ўзбекистон шарафини ҳимоя қилаётган Мадиёр Саидраҳимов англиялик Льюис Уильямсга қарши рингга кўтарилди. Мадиёр англиялик рақибига ҳеч қандай имконият қолдирмади ва 5:0 ҳисобида ғалаба қозонди.
Саидраҳимов бундан аввалги босқичларда беларуслик Владислав Смягликов ва қозоғистонлик Айбек Оралбай устидан ғалаба қозонганди.
Шу тариқа 2 ноябрь кунги баҳсларда иштирок этган олти нафар ўзбекистонлик боксчидан икки нафари — Абдумалик Ҳалоков ва Мадиёр Саидраҳимов ярим финалга йўл олди. Нодиржон Мирзаҳмедов, Саиджамшид Жаъфаров, Лазизбек Муллажонов ва Мужибилло Турсунов чорак финалда мусобақа билан хайрлашди.
Изоҳ (0)