Uzbekistan Airways АЖ 12 ноябрдан бошлаб Ригага авиақатновлар сонини оширади. Бу ҳақда авиаташувчи матбуот хизмати хабар берди.
Маълум қилинишича, Тошкент—Рига—Тошкент йўналиши бўйича авиапарвозлар ҳафтасига икки маротаба: душанба ва жума кунлари амалга оширилади.
Ушбу кунлардаги авиапарвозлар қуйидаги ҳаракат жадвали бўйича амалга оширилади (маҳаллий вақт):
- Тошкентдан жўнаб кетиш — соат 09:30 да, Ригага келиш — 12:00 да;
- Ригадан жўнаб кетиш — соат 15:00 да, Тошкентга келиш — 23:00 да.
Эслатиб ўтамиз, Uzbekistan Airways май ойидан бошлаб Ригага авиақатновларни қайта тиклаганди. Spot’нинг ёзишича, Латвияга кирувчилар учун қатор чекловлар ўрнатилган — «COVIDpass.lv» сайти орқали анкетани ўлдириш, мамлакатга келгач сўнгги 72 соат ичида топширилган ПЗР-тестнинг салбий натижаси ҳақидаги маълумотни тақдим этиш лозим.
Изоҳ (0)