Uzbekistan Airways AJ 12-noyabrdan boshlab Rigaga aviaqatnovlar sonini oshiradi. Bu haqda aviatashuvchi matbuot xizmati xabar berdi.
Ma’lum qilinishicha, Toshkent—Riga—Toshkent yo‘nalishi bo‘yicha aviaparvozlar haftasiga ikki marotaba: dushanba va juma kunlari amalga oshiriladi.
Ushbu kunlardagi aviaparvozlar quyidagi harakat jadvali bo‘yicha amalga oshiriladi (mahalliy vaqt):
- Toshkentdan jo‘nab ketish — soat 09:30 da, Rigaga kelish — 12:00 da;
- Rigadan jo‘nab ketish — soat 15:00 da, Toshkentga kelish — 23:00 da.
Eslatib o‘tamiz, Uzbekistan Airways may oyidan boshlab Rigaga aviaqatnovlarni qayta tiklagandi. Spot’ning yozishicha, Latviyaga kiruvchilar uchun qator cheklovlar o‘rnatilgan — “Covidpass.lv” sayti orqali anketani o‘ldirish, mamlakatga kelgach so‘nggi 72 soat ichida topshirilgan PZR-testning salbiy natijasi haqidagi ma’lumotni taqdim etish lozim.
Izoh (0)