Эрон ҳарбий денгиз флоти Аден кўрфазига йўл олган Эрон нефть танкерига қарши қароқчилар ҳужумининг олдини олди. Кузатув гуруҳи қароқчиларга қарата огоҳлантирувчи ўт очган, деб хабар берди Anadolu агентлиги.
«Нефть танкерида жойлашган Эрон Ҳарбий денгиз кучларининг кузатув гуруҳи Аден кўрфазига олиб борувчи кема йўлида Боб ал-Мандеб ҳавзасига киришдан олдин қароқчиларга дуч келган», — дея Эрон ОАВларидан иқтибос келтирди агентлик.
«Шубҳали» қайиқлардаги тўрт-олтита қуролли қароқчилар танкерга ҳужум қилиш ниятида яқинлашмоқчи бўлган, бироқ бортдаги кузатув гуруҳи ўз вақтида чора кўриб, огоҳлантирувчи ўт очган, қароқчилар воқеа жойидан қочишга мажбур бўлган».
Бунгача 16 октябрь куни Аден кўрфазида бешта тезюрар катерда қароқчилар Эроннинг нефть ташувчи танкерига ҳужум қилишга урингани хабар қилинганди. Эрон танкери ўт очгач, улар қочиб кетган.
Аввалроқ денгиз қароқчилари Нигерия қирғоқлари яқинидаги Гвинея кўрфазида Туркиянинг юк кемасига ҳужум қилиб, экипажнинг 15 аъзосини асирга олгани ва бир кишини ўлдиргани ҳақида хабар берилганди. Қароқчилар асирлар билан кемани тарк этган. Қолган уч денгизчи кемани хавфсиз портга олиб кетган. Ўлдирилган денгизчи Озарбайжон фуқароси, қолганлари туркиялик экани маълум қилинган.
Изоҳ (0)