Голливуд режиссёрлари кўплаб ажойиб ва ақл бовар қилмайдиган картиналарни тақдим этади. Бироқ баъзида суратга олиш майдончаларида ҳақиқатан ҳам қизиқарли воқеалар содир бўлади. Қуйида уларнинг бир нечтасини эътиборингизга ҳавола этамиз.
2021 йил 22 октябрь куни «Занг» (Rust) фильмини суратга олиш майдончасида фожиа юз берди. Ижодий гуруҳ ходимлари томонидан берилган тўппончадан реквизит сифатида фойдаланаётган Алек Болдуин оператор Галина Хатчинсга ўқ узди. Натижада аёл вафот этди, актёрнинг ўзи жуда тушкун ҳолатда, полиция терговни давом эттирмоқда.
Жим Керри «Гринч – Рождество ўғриси» фильмининг бош қаҳрамонини ўйнаши учун у визажистнинг креслосида тахминан 8 соат ўтириши керак эди. Бу шунчалик қийин бўлганидан актёр марказий разведка бошқармаси ходимларини қийноқларга дош беришга ўргатадиган махсус мураббий ёллаган.
«Юлдузлар жанги» сериалидаги қумдаги краулер машинаси туфайли тўртинчи эпизодни суратга олиш пайтида Жорж Лукасга Тунис ҳукуматидан қўнғироқ қилиниб, ушбу транспорт воситасини чегарадан узоқлаштириши сўралган. Чунки ливияликлар ундаги қуролни кўриб, ҳарбий ҳаракатлар билан таҳдид қилган.
«Ернинг охирига саёҳат» фильми суратга олинаётган вақтда Бенедикт Камбербетч унчалик ҳам машҳурликка эришмаганди. Актёрнинг сўзларига кўра, суратга олиш майдончасидан қайтаётганда бир марта уларни қуролланган одамлар ўғирлаб, сўнгра чўлга ташлаб кетган.
Сир эмаски, ажойиб воқеалар кўпинча мистик фильмлар суратга олинган майдончада содир бўлади. «Эмили Роузнинг олти иблиси» фильми бунинг яна бир тасдиғидир. Кейинчалик Женнифер Карпентер интервьюсида айтганидек, у доимо радиони ёқса, ундан «Мен ҳали ҳам тирикман» деган ибора қайта-қайта янграйди.
Питер Мейхюнинг исми фақат «Юлдузлар жанги»нинг энг содиқ мухлисларига маълум. Аммо у Хан Солонинг энг яқин дўсти – Чубакки кўринишида эди. Актёр чиндан ҳам қийналди, у костюмда суратга олиш майдончасидан чиқа олмаган ва унга ҳамма жойда ёрқин жилет кийган махсус ходимлар ҳамроҳлик қилган. Бу оддий одамлар актёрни бу каби кўринишда қабул қилмаслиги ва ўраб олмаслиги учун қилинган.
Изоҳ (0)