Google компанияси Android 12 операцион тизмига эга ўзининг Tensor процессори асосида ясалган Pixel 6 ва Pixel 6 Pro смартфонларини тақдим этди, деб хабар беради «Korrespondent.net».
Google Tensor’даги тизим — бу иккита юқори самарадор, иккита ўртача ва тўртта энергия самарадор ядро, 20 ядроли график чип, тасвирларни қайта ишлашга мўлжалланган сигналли процессор, хавфсизлик чипли процессор ҳисобланади.
Pixel 6’га FHD+ сифатни қўллаб-қувватлайдиган тасвир янгиланиш частотаси 90 герцга тенг бўлган 6,4 дюймли дисплей ўрнатилган. Pixel 6 Pro эса янгиланиш частотаси 10 дан 120 герцгача ўзгариб турувчи QHD+ сифатли 6,7 дюймга тенг экранга эга бўлган.
Ўлчам борасида Pixel 6 худди iPhone 13 Pro Max каби, Pixel 6 Pro эса ундан бироз каттароқ. Иккала смартфоннинг ҳам камераси 50 мегапикселни ташкил этади. Унинг 1/1.31 ўлчамли сенсори ёруғликни Pixel 5’га қараганда 150 фоиз кўпроқ тутади.
Бундан ташқари, смартфонлар сониясига 60 та кадрда 4К сифатли ёки сониясига 240 тагача кадрда 1080r сифатли видеони тасвирга олиши мумкин.
Янгиликлар қаторидан — Pixel 6’да Live Translate функцияси пайдо бўлган — у 48 та тилдаги нутқни автоматик равишда матн ёки аудиога айлантира олади.
Эслатиб ўтамиз, август ойида Google ўзининг сериядаги энг катта сиғимли аккумулятор ва IP67 бўйича ҳимояга эга Pixel 5а 5G смартфонини 450 доллар қийматида тақдим этганди.
Изоҳ (0)