Oppo Reno6 Pro+ смартфонининг камераси DxOMark лабораториясида синовдан ўтказилиб, рақиблариники билан ўзаро таққосланди, деб хабар беради IXBT.
Маълумот учун, аппаратга 50 мегапикселли Sony IMX766 датчиги ўрнатилган ва бу каби датчик ўрнатилган смартфонлар тестларда ўзини яхши кўрсатмоқда.
Тест натижаларига кўра, Оppо қурилмаси умумий ҳисобда 121 балл тўплаган. SoC Exynos ўрнатилган Samsung Galaxy S21 Ultra, Asus Zenfone 8 ва iPhone 12 қурилмалари ҳам шу даражада. Смартфон томонидан олинган сурат сифати 126 балл, видеоси эса 108 балл тўплаган. Биринчи ҳолатда унинг кўрсаткичи Samsung флагманиникидан 2 баллга камроқ, иккинчи ҳолатда — 10 баллга кўпроқ. Оppо флагмани ўта кенг бурчакли ва телекамера датчиклари имконияти бўйича ҳам кореялик рақибига ютқазган.
Эслатиб ўтамиз, Oppo Reno6 Pro+ баҳор охирида 625 доллардан сотувга чиққан.
Аввалроқ Оppо компанияси Marvel киноолами ишқибозлари учун мўлжалланган смартфон — Reno5 Marvel Edition’ни тақдим этганди.
Изоҳ (0)