Футбол бўйича Ўзбекистон Суперлигасининг 22-туридан ўрин олган навбатдаги уч ўйин 16 октябрь, шанба куни бўлиб ўтди.
«Қизилқум» Тошкентда «Пахтакор» меҳмони бўлди. Учрашувнинг 3-дақиқасида Игнатий Нестеров автогол муаллифига айланди. 10 дақиқадан сўнг Элгужа Григалашвили ҳисобни тенглаштирди. 38-дақиқада Драган Черан пенальтидан унумли фойдаланиб, «Пахтакор»нинг ҳисобда олдинга чиқиб олишига сабаб бўлди. Биринчи бўлим сўнгида Эркин Бойдуллаев ҳисобни тенглаштирди.
Иккинчи бўлимда Драган Черан яна икки гол муаллифига айланди ва «Пахтакор»нинг ишончли ғалабасини таъминлади.
«Турон» ва «Сурхон» учрашувида томонлар муроса йўлини танлади. Учрашув 1:1 ҳисобида якунига етди.
Учрашувдан сўнг «Турон»нинг очколари сони 13 тага етказди, жамоа охирги ўринда бормоқда. «Сурхон» 18 очко билан 12-ўринни банд этиб турибди.
Суперлиганинг 16 октябрь кунидаги сўнгги ўйинида «Сўғдиёна» «Қўқон-1912» билан баҳс олиб борди. 5-дақиқада Мурод Холмуҳаммедов пенальтидан унумли фойдаланиб, меҳмонларни олдинга олиб чиқди. 37-дақиқада Элёр Орипов ҳисобни тенглаштирди. Ушбу натижа ўйин охиригача сақланиб қолди.
Шу тариқа «Сўғдиёна» очко йўқотиб, «Пахтакор»нинг чемпион бўллишини таъминлади. «Шерлар»нинг ҳисобида 54 очко бор. Пойтахт клуби чемпионат якунланишига тўрт тур қолганида чемпионликни расмийлаштирди.
«Сўғдиёна»нинг очколари сони 40 тани ташкил этмоқда ва биринчи ўринга чиқиш имкониятини қўлдан чиқарди. «Қўқон-1912» эса 29 очко билан 9-ўринда бормоқда.
Суперлига
22-тур баҳслари
16 октябрь, шанба
«Пахтакор» — «Қизилқум» 4:2
Голлар: 1:0 — 3 Нестеров (автогол), 1:1 — 13 Григалашвили, 2:1 — 38 Черан (пенальти), 2:2 — 45+1 Байдуллаев, 3:2 — 61 Черан (пенальти), 4:2 — 66 Черан.«Пахтакор»: 35. Санжар Қувватов, 5. Анзур Исмоилов, 9. Шерзод Темиров (11. Боян Матич 62), 10. Драган Черан, 16. Марлен Чобанов, 17. Достонбек Ҳамдамов (18. Ҳожимат Эркинов 85), 19. Шароф Муҳитдинов (88. Шаҳзод Азмиддинов 62), 21. Аброрбек Исмоилов, 27. Сардор Собирхўжаев (14. Xumoюнмирзо Иминов 69), 28. Диёр Холматов (8. Азизбек Турғунбоев 69), 34. Фаррух Сайфиев.
«Қизилқум»: 1. Игнатий Нестеров, 6. Эркин Бойдуллаев, 7. Ислом Кенжабоев, 8. Гиорги Кухианидзе, 14. Файзулла Қамбаров, 17. Салим Мустафоев, 20. Ислом Тўхтахўжаев, 21. Муҳсинжон Убайдуллаев, 30. Элгужа Григалашвили (10. Мате Вацадзе 81), 33. Шаҳзод Туропов (19. Жамшид Ҳасанов 65), 75. Олег Толмасов.
Огоҳлантиришлар: Бойдуллаэв (36), Черан (43), Убайдуллаев (46), Исмоилов (55), Олег Толмасов (65), Матич (90).
«Турон» — «Сурхон» 1:1
Голлар: 0:1 — 47 Бобожонов, 1:1 — 68 Мусаев.«Турон»: 87. Акмал Ортиқов, 4. Аслиддин Тоштемиров, 6. Сардор Абдураимов (30. Синиша Бабич, 66), 7. Суннатилло Абдуллажонов (8. Суннатилла Эрматов, 66), 9. Ҳумоюн Муртозаев (14. Дониёр Исмоилов, 66), 10. Ихтиёр Тошпўлатов, 17. Музаффар Музаффаров, 18. Фозил Мусаев, 43. Ким Боёнг, 55. Даян Поневич, 77. Билолхон Тошмирзаев.
«Сурхон»: 12. Рустам Нартажиев, 4. Жавоҳир Соҳибов, 5. Жасурбек Ёқубов, 6. Алишер Салимов, 7. Ислом Тошпўлатов, 8. Жаҳонгир Аҳмадов, 10. Муродбек Бобожонов (14.Жасур Холтўраев, 63), 11. Зоҳир Пиримов (60.Ўрал Чориев, 90+5), 20. Ҳусниддин Ғофуров, 66. Беҳруз Шойдулов, 80. Никита Павленко (23. Абдулазиз Юсупов, 53).
Огоҳлантиришлар: Ёқубов (15), Поневич (29), Музаффаров (59), Абдураимов (60), Шойдулов (80).
«Сўғдиёна» — «Қўқон-1912» 1:1
Голлар: 0:1 — 4 Холмуҳаммедов (пенальти), 1:1 — 37 Орипов.«Сўғдиёна»: 27. Милан Митрович, 4. Элёр Орифов, 5. Аюбхон Номанов (18. Дарко Станоевич, 76), 8. Жамшид Болтабоев, 10. Шоҳруз Норхонов, 11. Жасур Ҳасанов (15. Жасур Ҳакимов, 65), 17. Шаҳбоз Жўрабеков (28. Эргаш Исмоилов, 76) , 19. Жавоҳир Қаҳрамонов, 31. Лука Чермел, 63. Асилжон Бегимқулов (2.Сардор Қулматов, 19), 93. Марко Колакович.
«Қўқон-1912»: 1. Музаффар Абдуллаев, 8. Фарҳод Бекмуродов, 10. Шоҳназар Норбеков (9. Ҳамидилло Абдуҳамидов, 73) 13. Сардор Азимов, 14. Авазхон Маматхўжаев, 15. Ойбек Рустамов, 22. Муҳаммаданас Ҳасанов (3. Бобур Акбаров, 88), 23. Александр Мерзляков, 33. Иван Ёсович, 70. Мурод Холмуҳаммедов, 91. Якуба Бамба (11.Мўмин Мелиев, 73).
Огоҳлантиришлар: Рустамов (28), Ҳолмуҳаммедов (28), Ёсович (31), Колакович (41), Маматхўжаев (85).
Изоҳ (0)