АПЛ. «Тулкилар» «қизил иблислар»га қарши, «Брентфорд» «Челси»ни меҳмон қилади, янги инвесторга эга бўлган «Ньюкасл» «Тоттенҳэм» билан «жанг қилади»
«Лестер» — «Манчестер Юнайтед», 16 октябрь, 19:00
Бир муддат танаффусдан сўнг клублар футболи яна қайтди. Туманли Албионда «Лестер» ўз уйида «Манчестер Юнайтед» билан баҳс олиб боради.
Ортда қолган 7 турдан сўнг «Тулкилар» 13-ўринга тушиб қолган. Ушбу мавсум Брендан Рожерс шогирдларининг иши юришмаяпти. Ҳужум чизиғи вакиллари Жейми Варди ва Келечи Ихеаначо кўп гол ура олмаяпти. Ундан ташқари ҳимоя чизиғининг асосий фигураларидан бири бўлган Жонни Эванснинг ўрни жуда билиняпти. Ҳимоячи жароҳати сабаб сафдан чиққанди, унинг ўрнини тўлдирадиган ўзига ишонган ҳимоя вакиллари топилмаяпти. «Манчестер Юнайтед» собиқ футболчисининг ўйинга тушиш эҳтимоли ҳам бор. Лекин бу аниқ кафолатланмаган.
Манкунианлар эса 14 очко билан 4-ўринда бормоқда. Мусобақа етакчисидан икки очко ортда қоляпти. Сульшерда ҳам жароҳатлар билан боғлиқ муаммолар мавжуд. Ҳарри Магуайр, Маркус Рэшфорднинг йўқлиги яққол сезилади. Ундан ташқари мураббийлар штаби яқиндагина терма жамоа сафида ўйин ўтказган Фред ва Эдинсон Каванига ҳам дам бермоқчи. Ушбу ўйинда Сульшер шогирдлари учун ғалаба жуда муҳим. Жамоа ўзига бўлган ишончни қайтариб олиши учун ҳам ҳаракат қилади. Криштиану Роналду эса ҳар доимгидек майдонга гол уриш мақсадида тушади.
Қолган учрашувлар:
16 октябрь, шанба
«Уотфорд» — «Ливерпуль», 16:30
«Астон Вилла» — «Вулверҳэмптон», 19:00
«Манчестер Сити» — «Бёрнли», 19:00
«Норвич» — «Брайтон», 19:00
«Саутҳэмптон» — «Лидс», 19:00
«Брентфорд» — «Челси», 21:30
17 октябрь, якшанба
«Эвертон» — «Вест Ҳэм», 18:00
«Ньюкасл» — «Тоттенҳэм», 20:30
18:0ктабр, душанба
«Арсенал» — «Кристал Пэлас», 00:00
Ла Лига. Ожиз кўринаётган «Барселона» «Валенсия» билан куч синашади, «Реал» ва «Атлетико» ушбу ҳафта ўйнамайди
«Барселона» — «Валенсия», 17/18 октябрь, 00:00
«Барселона» 12 очко билан 9-ўринда бормоқда. Рональд Куман шогирдлари мавсумни омадсиз бошлади. Бемалол ғалаба қозониши мумкин бўлган жамоалар билан ё мағлубиятга учради, ё дуранг натижа қайд этди. «Кўршапалаклар» ҳам худди шунча очко билан 8-ўринни эгаллаб турибди. Барселона шаҳри жамоасидан фарқли равишда «Валенсия» битта кўп ўйин ўтказган.
Статистикага қарайдиган бўлсак, ўзаро учрашувларнинг охирги 30 тасидан 29 тасида «Барселона» гол уриб келмоқда. Ундан ташқари охирги 8 ўйиннинг 6 тасида «Барселона» «Валенсия»га ютқазмаган.
Жанубий Америка минтақасида 15 октябрь куни бўлиб ўтган ЖЧ—2022 саралаш ўйинлари сабаб «Реал» — «Атлетик» ва «Гранада» — «Атлетико» ўйинлари бошқа санага қолдирилди.
Қолган учрашувлар:
16 октябрь, шанба
«Леванте» — «Хетафе», 21:30
«Реал Сосьедад» — «Мальорка», 00:00
17 октябрь, якшанба
«Райо Вальекано» — «Элче», 17:00
«Сельта» — «Севилья», 19:15
«Вильярреал» — «Осасуна», 21:30
18 октябрь, душанба
«Алавес» — «Бетис», 22:00
«Эспаньол» — «Кадис», 00:00
А Серия. «Лацио» ва «Интер» тўнашуви, Элдор Шомуродов «Ювентус»га қарши майдонга тушади, «Торино» мусобақа етакчисига қарши
«Лацио» — «Интер», 16 октябрь, 21:00
Ортда қолган 7 турдан сўнг «Лацио» мусобақа жадвалида 6-ўринни эгаллаб турибди. Терма жамоалар йиғинидан аввал Маурицио Сарри шогирдлари «Болонья»га 0:3 ҳисобида мағлуб бўлганди. Жамоа Италия чемпионатининг охирги 5 турида атиги битта ғалаба қозонди.
«Интер» 17 очко жамғарди ва 3-ўринни банд этиб турибди. Мусобақа етакчиси «Наполи»дан 4 очко ортда. «Лацио»дан фарқли равишда «нераззурилар» А Серияда ҳали мағлубиятга учрамади. Симоне Инзаги шогирдлари Италия чемпионатининг ҳар бир ўйинида камида иккита гол уриб келмоқда. Ҳозирда жамоа ҳисобида 22 та гол мавжуд ва бу чемпионатдаги энг яхши кўрсаткич ҳисобланади.
«Ювентус» — «Рома», 17 октябрь, 23:45
Туринликлар ушбу мавсумни омадсиз бошлади. Криштиану Роналду кетгач, жамоа бир муддат шошиб қолгандек таассурот уйғотди. А Сериядаги 7-ўрин Массимилиано Аллегрининг муаммолар гирдобида эканидан дарак.
Чемпионлар Лигасида эса иккита ғалаба, бири «Челси»га қарши ўйинда қўлга киритилганини ҳисобга олса, ҳозирча «Ювентус»ни четга суришга эрта эканлигини кўриш мумкин. Ундан ташқари, туринликлар барча мусобақалардаги охирги 6 ўйинда мағлубият нималигини билмай келяпти. Уларнинг 4 тасида ғалаба қозонган.
Жозе Моуриньо шогирдлари скудетто учун курашга кирмоқчи эканлигини кўрсатмоқда. Лекин мавсум сўнгига қадар кураш олиб бора оладими-йўқми, буни тахмин қилиш қийин. Ушбу баҳсда ўзбекистонлик ҳужумчи Элдор Шомуродов асосий таркибда майдонга тушиши мумкин. Сабаби жамоанинг асосий форварди Тэмми Абраҳам Англия терма жамоаси сафида жароҳат олди.
Айни дамда «Рома» 4-ўринни эгаллаб турибди. Моуриньо шогирдлари ҳисобида 15 очко мавжуд ва тўплар нисбати 16:8. Римликлар охирги 4 турда бир маротаба мағлубиятга учради ва қолган учта ўйинда ғалаба қозонди.
Қолган учрашувлар:
16 октябрь, шанба
«Специа» — «Салернитана», 18:00
«Милан» — «Верона», 23:45
17 октябрь, якшанба
«Кальяри» — «Сампдория», 15:30
«Эмполи» — «Аталанта», 18:00
«Женоа» — «Сассуоло», 18:00
«Удинезе» — «Болонья», 18:00
«Наполи» — «Торино», 21:00
18 октябрь, душанба
«Венеция» — «Фиорентина», 23:45
Бундеслига. Етакчилар тўқнашуви: «Бавария» «Байер»га қарши, «Боруссия Д» эса «Майнц»ни чиғириқдан ўтказади
«Байер» — «Бавария», 17 октябрь, 18:30
«Байер» 7 турдан сўнг мусобақа жадвалида иккинчи ўринда бормоқда ва етакчи «Бавария» билан бир хил — 16 очко тўплаган. Фақатгина қўшимча кўрсаткичлар эвазига ортда қолмоқда. «Байер» Бундеслигада 20 та гол урди ва 7 та гол ўтказиб юборди.
«Бавария» мусобақа етакчиси бўлса-да, таъқибчилари унга жуда яқин. «Байер»дан ташқари «Боруссия Д» ва «Фрайбург» 15 очко билан кейинги ўринларда турибди.
Юлиан Нагелсманн шогирдлари 45 та гол урган. Бу қойилмақом натижа.
Қолган учрашувлар:
16 октябрь, шанба
«Гройтер» — «Бохум», 18:30
«Фрайбург» — «Лейпциг», 18:30
«Унион» — «Вольфсбург», 18:30
«Айнтрахт» — «Ҳерта», 18:30
«Боруссия Д» — «Майнц», 18:30
«Боруссия М» — «Штутгарт», 21:30
17 октябрь, якшанба
«Аугсбург» — «Арминия», 20:30
Маъруфжон Очилов тайёрлади
Изоҳ (0)