Бен Гескин исмли таниқли инсайдер Twitter’даги саҳифаси орқали iPhone 14 линейкасидан ўрин оладиган смартфонлар тасвири билан бўлишди. Учталик камерага кўра, унда Prо-моделлардан бири тасвирланган. Таъкидланишича, эълон қилинган рендер — бу оригинал концепция, Apple’нинг расмий тасвирлари эмас, деб хабар беради Hi-Tech.Mail.ru.
Бен Гескин iPhone 14 смартфонларида кўпчилик ўрганган «қош» йўқолишини таъкидлаётган биринчи инсайдер эмас. Унинг ўрнига ҳапдори шаклидаги яширин қирқимга эга камера конструкциясидан фойдаланилиши мумкин. Бу каби кўриниши ноодатий бўлиб, Android смартфонларда деярли учрамайди.
Android ишлаб чиқарувчиларнинг ҳапдори шаклидаги тешиклари экран марказида жойлашмаган. Одатда улар дисплейнинг чап қисмидан ўрин олади. Бу эса iPhone 14 сериясига ажралиб туриш имконини беради. Бундан ташқари, дисплейнинг янги дизайни экраннинг корпусга нисбатини янада катталаштиради.
iPhone 14 ҳақида нималар маълум?
Айни вақтда 2022 йилги смартфонлар тўғрисида маълумотлар оз. GizChina’нинг ёзишича, iPhone 14 ва iPhone 14 Про 6,06 дюймли экранга эга бўлади, iPhone 14 Мах (бу mini ўрнини эгаллайди) ва iPhone 14 Pro Max’га диагонали катта — 6,68 дюймли дисплей ўрнатилади. Бундан ташқари, сериядаги базавий моделларга — iPhone 14 ва iPhone 14 Мах — LTPS дисплейлари ўрнатилади, Prо ва Pro Max эса LTPО дисплейлари билан жиҳозланади.
iPhone 14 сериясидаги моделларга янги Bionic А16 процессори ўрнатилиши кутилмоқда. Ушбу чип 4 нанометрли техник жараёнда ясалган. Базавий iPhone 14 дан бошқа моделлардан ҳаммаси учталик камерага эга бўлади.
Изоҳ (0)