YouTube’даги Phone Buff канали муаллифи роботлаштирилган манипулятор ёрдамида iPhone 13 Pro Max ва Samsung Galaxy S21 Ultra’нинг автономлигини ўзаро таққослаб кўрди, деб хабар беради IXBT.
Интернетда тарқалган кўплаб маълумотлар iPhone 13 Pro Max’нинг автономлигини мақтаб, уни рекорд даражада узоқ вақт ишлай олади дея таърифламоқда. Эслатиб ўтамиз, смартфоннинг аккумулятор сиғими сезиларли даражада ошган ва у 4352 мА/соатни ташкил этмоқда. Samsung флагманига ўрнатилган аккумулятор сиғими эса 5000 мА/соатга етади.
Apple’нинг янги модели синовларнинг дастлабки дақиқасидаёқ ўзини кўрсатган: iPhone 13 Pro Max бир соатлик қўнғироқ режимида қувватнинг 1 фоизини сарфлаган, унинг рақибида ушбу кўрсаткич 5 фоизни ташкил этди. Шунингдек, янги iPhone браузер ва ўйинлар билан ишлашда ҳам сезиларли даражада устунлигини намойиш этган.
Натижада Apple флагманининг экрани 12 соат давомида фаол ишлай олиши маълум бўлган. Samsung Galaxy S21 Ultra эса 9,5 соатга «бардош» берган.
Аввалроқ америкалик шифокор iPhone 13 Pro Max’нинг камерасидан кўз касалликларига ташхис қўйишда фойдаланиб кўргани тўғрисида хабар берилганди.
Изоҳ (0)