SellCell томонидан ўтказилган сўровнома америкалик фойдаланувчиларнинг янги iPhone 13 линейкаси смартфонларига бўлган муносабатини кўрсатиб берди. Сўровда 18 ёшдан катта бўлган 5 мингдан ортиқ iPhone фойдаланувчилари иштирок этган, деб хабар беради IXBT.
Сўров муаллифлари iPhone’нинг эски версиясини ишлатган фойдаланувчилар янги iPhone 13 серияси ҳақида қандай фикрда экани билан қизиққан. Сўров натижаларига кўра, iPhone 13 серияси у қадар яхши натижани қайд этмаган. iPhone фойдаланувчиларининг 64 фоизи iPhone 13 линейкасини у қадар ёки умуман қизиқ эмас деб топган.
Респондентларнинг 76,8 фоизи iPhone 13 сериясига ўтишни режалаштирмаётганини билдирган. Аммо янги моделга ўтишни истаганлар учун iPhone 13 Pro қизиқ вариант ҳисобланади. Уни харидни амалга ошириш ниятида бўлганларнинг 42,5 фоизи танлаган, 26,3 фоизи эса iPhone 13 Pro Max’ни маъқул кўрган. iPhone 13 Мini олдингидек оммалашмади: ушбу моделга фойдаланувчиларнинг 9,2 фоизигина эътибор қаратган.
Шунингдек, iPhone 13 ни мавжуд iPhone қурилмаларини ишлатадиган фойдаланувчиларга учун нима қизиқ бўлмаётганининг асосий сабаблари ҳам эълон қилинган. Респондентларнинг 29,3 фоизи Тоuch йўқлигини асосий сабаб қилиб кўрсатган. iPhone 13 тақдим этилгунига қадар унга Touch ID ўрнатилиши ҳақида миш-мишлар тарқалганди. Ушбу миш-мишлар ёлғон бўлиб чиқиб, кўплаб фойдаланувчилар ҳафсаласини пир қилди. Шунингдек, дисплейнинг мунтазам ёқиб қўйиш имкониятининг йўқлиги ва экрандаги қирқим ҳам камчилик сифатида санаб ўтилган.
iPhone 13 олмаган фойдаланувчиларнинг аксарияти платформадан воз кечмайди. Балки улар iPhone 14 ни кутади (36,8 фоизи), ёки яна бир неча йил ўз қурилмасини ишлатади (32,3 фоиз) ёки эски iPhone версияларини харид қилади (11,3 фоиз). Респондентларнинг 16,1 фоизи Android’га ўтишини билдирган бўлса, 3,5 фоизи ҳали бирор қарорга келмаган.
Аввалроқ iPhone 13 Pro Max’нинг фото-видео суратга олиш имкониятлари iPhone 12 Pro Max ва 11 Pro Max’ники билан таққосланганди.
Изоҳ (0)